Bulegoa
Calibre formatu digitalean dauden liburuak kudeatzeko aplikazioa da. Liburutegi digitalak kudeatzeko balio du. Liburuen formatuen bihurketak egiten laguntzen du. Irakurgailu elektronikoetako eta ordenagailuko testuak sinkronizatzeko erabil daiteke. Berriak saretik deskargatzeko eta liburu elektronikorako egoki diren formatura bihurtzeko balio du.
Grist kode irekiko kalkulu-orri moderno bat da. Kalkulu-orri tradizionalak eta datu-baseak uztartzen ditu. Python eta AA formulak onartzen ditu. Elkarlanean jardun daiteke. Norberaren zerbitzarian instala daiteke eta ondoren web interfazea edo Linux, macOS edo Windowserako programa erabili. .
LibreOffice bulegotikako suite aske bat da. Hainbat osagai ditu, nagusienak testu-prozesatzaile bat (Writer), kalkulu-orriak editatzeko aplikazio bat (Calc), aurkezpenak sortzeko aplikazio bat (Impress), datu-baseen kudeatzaile bat (Base), irudi bektorialen editore bat (Draw) eta formula matematikoen editore bat (Math).
Lifeograph off-line, deskonektatuta, erabiltzeko agenda sinple bat da. Androiden, Linuxen eta Windowsen erabil daiteke.
MyExpenses Android sistema eragilean gastu eta diru-sarrerak kudeatzeko aplikazio librea da. Grisbi edo GNUCash bezalako programekin bateragarria da.
PDF Arranger aplikazio arin bat da, erabiltzaileari PDF dokumentuak batu edo zatitzen eta orriak biratu, moztu eta berrantolatzen laguntzen diona interfaze grafiko eta intuitiboa erabiliz.
Scribus argitalpenak maketatzeko aplikazio bat da, ezaugarri aurreratuak dituena (esaterako CMYK profilen onarpena, ICC kolore-kudeaketa, PDFen sorrera aurreratua, etab.)
signature PDF PDFak sinatzeko, orrialdeak antolatzeko, metadatuak editatzeko eta fitxategiak konprimitzeko web softwarea da.
Zettlr oharrak Markdown formatuan editatu eta kudeatzeko aplikazio multiplataforma da.
Zim wiki oharrak orriz osatutako koaderno batean idazteko eta zereginak kudeatzeko aplikazio multiplataforma da.
Zotero erreferentzia bibliografikoak kudeatzeko aplikazio multiplataforma da.
Zaharkituak
Mirakel Android sistema eragilean zereginak kudeatzeko aplikazio bat da. TaskWarrior sistemarekin bateragarria da.
