Clementine
Proiektuari buruz
- Webgunea: www.clementine-player.org
- Posta-zerrenda: Librezale
- Proiektuak arduraduna behar du !!
Clementine, musika erreproduzigailua da, Amarok 1.4-ean oinarriturik dagoena. Musika erreproduzitzeko era erraz eta azkarra izatea du helburu. Plataforma-anitza den aldetik, posible da inolako arazo gabe Unix-motako sistema eragileetan (Mac OS X barne) eta Microsoft Windows-en erabiltzea.
Musika bilduma era erraz batean kudeatzeaz gain, gailu desberdinak kontrolatu daitezke bertatik, hala nola MP3 erreproduzigailuak edo iPod-ak. Sareko jarioak ere entzuteko aukera ematen du bai irratiak, baita Spotify edo Grooveshark moduko zerbitzuetako musika, ordainpeko kontua izanez gero hauetan. Ezaugarrien zerrenda luzeagoa aurkitu daiteke Clementine-ren webgunean.
Lokalizazioa
Clementineren lokalizazioa Transifex plataforman burutzen da. Bertatik jaitsi daiteke hizkuntza-fitxategia.
Hurrengo bertsio egonkorra euskaraz egongo den arren, berau kaleratu arte euskaraz erabiltzeko zenbait modu daude:
- Hizkuntza-fitxategia eta azken bertsio egonkorraren iturburu-kodea jaitsi eta konpilatzea. Konpilatzeko jarraibideak Windows, Mac OS X eta Linuxerako.
- Garapen-bertsioetako bat jaitsi eta instalatzea. Kontuan izan, garapen-bertsioa izanik, gerta daitekeela hainbat ezaugarri ondo ez aritzea eta zenbait gauzek huts egitea; arduraz jokatu. Garapen bertsioak sistema eragile desberdinetarako.
