Vuze
Proiektuari buruz
- Webgunea: vuze.com
- Posta-zerrenda: Librezale
- Arduraduna(k): Azken itzulpena ez da Librezale.
Azalpena
Vuze aplikazio informatikoa (lehen Azureus zena) P2P sareetan fitxategiak partekatzeko erabil daitekeen BitTorrent bezeroa da. Vuze Java lengoaian idatzita dago.
Torrent protokolo bidez fitxategiak partekatzeaz gain, Azureus Vuze bihurtu zenetik kalitate handiko bideo-edukiak ikusi, partekatu eta argitaratzeko plataforma bihurtu da. Edukiak kanaletan eta kategorietan antolatuta aurkezten dira.
Euskarazko lokalizazioa
Librezalek euskaratutako bertsioa 4.2 izan zen. Ondoren, azpitituluak.com webgunean iragarri zen 4.6 bertsioa euskaratu zutela. Beraz, kontuan izan azken itzulpen hau ez dela Librezalerena.
Java aplikazio guztietan bezala, Vuze-ren lokalizazioa .properties luzapeneko fitxategien bidez egiten da. Euskarazko .properties fitxategia hemen dago (azken mezuaren RAR fitxategia da): http://forum.vuze.com/thread.jspa?threadID=97364&tstart=0
Euskarazko lokalizazioa instalatzeko, goian aipatutako RAR fitxategiaren barruan dagoen .properties fitxategia Vuze-k erabiltzailearen direktorioan sortzen duen karpetara kopiatu behar da (kontuz, karpeta horren izena "Azureus" izan daiteke oraindik ere). Non dago karpeta hori?
- Ubuntun (gainerako GNU/Linuxetan berdin izango dela uste dut): /home/erabiltzaileizena/.azureus -> puntutxoa daukaten karpetak (karpeta ezkutuak) ikusteko, badakizue, Ktrl+H erabili.
- Windows XPn: C:/Documents and Settings/erabiltzaileizena/Datos de programa/Azureus -> Datos de programa karpeta edo horren parekoa ikusteko, karpeta ezkutuak ikusgai jarri behar dira.
Ondoren, Vuze-ren "Tools -> Options -> Interface -> Language" atalean euskara aukeratu behar da.
