Albisteak
Raspberry Pi-rako NOOBS sistema eragileen instalatzailea euskaraz
Raspberry Piak kreditu txartelen tamainako plaka bakarreko ordenagailu txiki eta merkeak dira. Izen bereko fundazioak ekoizten ditu Bretainia Handian. Arrakasta itzela izan dute hezkuntzan eta hardware/softwarearekin saltseatzea gustatzen zaion jendearen artean, ikasi eta jolasteko aukera handia ematen baitute. Ohiko beste erabilera bat etxean multimedia zentro bat muntatzea izaten da. Enpresetan ere erabiltzen dira. Zoritxarrez beren hardwarea ez da librea eta abiarazteko blob jabedunak beharrezkoak dira baina orokorrean software libreko sistema eragileekin erabiltzen dira.
FreeCAD da 2017ko martxoko proiektua
Martxorako proposatu dugun proiektua FreeCAD aplikazioa da. Computer Aided Design motako softwarea 2D zein 3D marrazketarako erabiltzen da, eta gehien bat ingurune industrialetan, arkitekturan, lanbide-prestakuntzako ikastetxeetan eta, oro har, marrazki zehatzak behar dituzten esparruetan erabiltzen da. Gaur egun, CAD softwarerik ezagunena AutoCAD da.
AnySoft Keyboard euskaraz kalean
Badaukagu Androiderako teklatu libre eta euskaldun bat behingoz! AnySoft Keyboard. Android gailuetan euskararen presentzia gorabeheratsua da eta teklatuaren kalitatea aldakorra da. Ondorioz, jende askorentzat telefonoan euskaraz idaztea beste hizkuntza batzuetan idaztea baino deserosoagoa da. Bestalde, teklatu hauetako askok pribatutasunaren aldetik zalantzak sortzen dituzte, idatzitako guztia miatu eta zerbitzari batera igo ohi dutelako. Horri konponbidea jartzea erabaki dugu, eta Anysoft Keyboard teklatu librea hartu eta euskaldunon beharretara moldatu dugu: Irakurri osoa »
