matrix‘’ etiketadun bidalketak

Txat berria: Software Libre Zalantzak!

2020-09-19

Software librea aldarrikatzen dugu, baita hartan ekarpenak egitea ere, baina… bere erabilerari buruzko zalantzak eta arazoak argitzeko tokirik eman al dugu? Bada, orain bai!

Software Libre Zalantzak txata martxan jarri dugu software librea erabiltzean sortutako zalantza eta arazoei irtenbide bat erabiltzaile euskaldunon artean emateko asmoz, elkar lagunduz. Baita eztabaidatzeko eta ondo pasatzeko ere!

Txatean Matrix eta Telegram komunikazio tresnak erabiliz parte hartu daiteke eta dagoeneko hainbat pertsona sartu dira bertan eta hasiak dira gauzak galdetzen, elkar laguntzen eta abar. Zu falta zara!

Txat hau erdarazko beste batean oinarrituta dago. Gurera ekarrita, ikusirik hutsunea bazegoela esparru horretan euskal komunitatean eta erabiltzaile askok laguntza falta sumatzen dutela software librea erabiltzen hastean, une aproposa iruditu zitzaigun txata sortzeko. Beraz, parte hartzera animatzen zaituztegu. Giro atsegina dago!

Txat berean bi plataforma desberdinetik parte har dezakezu, Matrix plataforma libreko #SoftwareLibreZalantzak:librezale.eus gelatik eta Telegram plataforma pribatuko @SoftwareLibreZalantzak taldetik. Sartu bietako edozeinetik eta hasi elkarrizketa berean parte hartzen!

Komunikazio eta elkarlanerako baliabideak

2020-03-15

Egun hauetako hitza #TeleLana izan daitekeela aurreikusiz, gure ustez aholkatzeko modukoak diren zenbait komunikazio eta elkarlanerako tresna libre batzuk bildu ditugu, digitalki ere osasuntsu mantendu gaitezen.

Agian ez daude egon beharko luketen guztiak, bakoitzaren beharretara moldatzen den tresna aukeratzea zaila da batzuetan, hemen egon beharko lukeen tresna libreren bat ezagutzen baduzu, gehitu wiki orrian bertan, eta zalantzak badituzu: galdetu lasai.

Zaindu maite duzun hori; elkar zaindu.
(gehiago…)

Librezalek komunikazio kanal libre berria du: Matrix

2017-12-28

Librezaleok diglosia teknologikoan bizi gara bai, baina begirada atzera botatzea besterik ez dago egunez egun hobera goazela baieztatzeko.

Web-foroak kendu genituenean, ordezko komunikazio kanalaren bilaketan, ez genuen aurkitu erosotasun maila baliokidea zuen beste kanalik eta Telegramen talde bat sortu genuen. Zerbitzariak ez, baina Telegramen bezeroak eta protokoloa libreak dira. Baina denbora aurrera doa eta ez dirudi Telegramen zerbitzaria librea izango denik eta gainera, software libreak erosotasun bertsuko aukera berriak eskaintzen dizkigu.

Posta zerrendan hasi eta Telegram taldean jarraitutako komunikazio kanalen inguruko hausnarketaren lehen ondorio praktikoa hemen dugu: Librezale gela Matrixen

(gehiago…)