Albisteak
Joakin Balentziaren azken liburua eskuragarri
Joakin Balentzia idazle nafarrak liburu berri bat argitaratu du aurten. Bere izenburua, “Eta engaina dezagun denbora”. Librezaleko kideok maketatzen lagundu eta lizentzia libre bat jartzen lagundu diogu (Creative Commons BY-SA 3.0). Beraz, orain liburua denon eskura dago PDF formatuan. Estetikari buruzko saiakera liburu bat da eta hamar kapituluz osaturik dago.
Joakin Balentziaren aurreko lana ere, “Egunetako aparra” izeneko poesia liburu bat, Interneten eskuragarri dago lizentzia libre batekin.
Librezale diruz laguntzeko aukera
Helburu baten alde lanean dabilen bolondres talde bat besterik ez garenez Librezale, ez gara ez elkarte ez entite legal, beraz ez dugu diru-laguntzarik jasotzen erakundeetatik. Halere, eta hainbat urtetan Mundurat Sarearen laguntza izan dugun arren, gure zerbitzaria mantentzea debalde ez denez, sos batzuk beharrezkoak ditugu ostatua ordaintzeko.
Irakurri osoa »
Irudiak tratatzeko Pinta aplikazioa euskaraz
Pinta irudiak tratatzeko aplikazio txiki bat da. Oraindik garapen-fase goiztiarrean dago, baina itxura ona dauka jadanik.
