Albisteak
WordPress 3.0 itzultzeko laguntza eske
Berez gaur da argitaratzekoa WordPressen 3.0 bertsio berria eta aldaketa asko eta oso garrantzitsuak dakartza. Besteak beste, MU (Multi User) funtzionalitatea WordPressen barruan integratu da, beraz WordPress gai izango da instalazio bakarrarekin nahi adina blog sortzeko. Honez gain, lehenetsitako itxura berria dago eta pertsonalizatzeko aukerak zabalagoak eta errazagoak dira (menuak erabil daitezke, adibidez).
Honekin guztiarekin ordea interfazean aldaketa mordoa egin dira eta, ondorioz, itzultzeko kate berri mordoa dago. Azken hilabetean honekin lanean aritu garen arren, oraindik badago egitekorik eta horregatik gatoz laguntza eske. Parte hartu nahi?
Irakurri osoa »
Mozilla Summit 2010eko kronika
Hilaren 6tik 10era bitartean Whistler-en (Kanada) izan da Librezaleko Julen, 2010eko Mozilla Summit-ean, Mozillak gonbidatuta eta bertan bizitakoen kontaketa pertsonala jasotzen da ondorengo lerroetan.
Firefox 4rako plangintza aurkeztu du Mozillak
Web nabigatzaileen arteko konpetentzia egunetik egunera bistakoagoa den garaiotan, Mozillakoak buru-belarri dabiltza Firefoxen 4. bertsioan lanean. Produktuaren zuzendari nagusi den Mike Beltznerek bere blogean azaldu berri du urte amaieran kaleratzekoa den bertsio honetarako daukaten plangintza. Firefox azkartzea eta garatzaile eta erabiltzaileei web teknologien eta nabigatzailearen beraren gaineko kontrol osoa ematea daukate helburu nagusi.