Librezale‘’ kategoriaren artxiboa

« Aurreko bidalketak
Hurrengo bidalketak »

Librezalek komunikazio kanal libre berria du: Matrix

2017-12-28

Librezaleok diglosia teknologikoan bizi gara bai, baina begirada atzera botatzea besterik ez dago egunez egun hobera goazela baieztatzeko.

Web-foroak kendu genituenean, ordezko komunikazio kanalaren bilaketan, ez genuen aurkitu erosotasun maila baliokidea zuen beste kanalik eta Telegramen talde bat sortu genuen. Zerbitzariak ez, baina Telegramen bezeroak eta protokoloa libreak dira. Baina denbora aurrera doa eta ez dirudi Telegramen zerbitzaria librea izango denik eta gainera, software libreak erosotasun bertsuko aukera berriak eskaintzen dizkigu.

Posta zerrendan hasi eta Telegram taldean jarraitutako komunikazio kanalen inguruko hausnarketaren lehen ondorio praktikoa hemen dugu: Librezale gela Matrixen

(gehiago…)

, / Albisteak, Aplikazio libreak euskaraz, Librezale | Iruzkin bat »

2017ko urtarrileko proiektua (eta 2016ko abenduko proiektuaren laburpena)

2017-01-08

ASK-eu2017ko urtarrilean aurrekoak baino teknikoagoa den hilabeteko proiektu bati ekin nahi izan diogu: Euskarazko teklatu libre bat Android sistema eragilearentzat. Egoera berezia da gaur egungoa, Android gailu batzuk erabiltzailearen interfazea euskaraz jartzeko aukera dakarte eta horietan gailuarekin datorren teklatuak Euskara ulertu ohi du, hau da, proposamenak eta zuzenketan euskaraz egiten ditu. Beste Android gailu batzuek dakarten teklatuak ordea ez du euskararen ezagutzarik eta oso deserosoa da bertan euskaraz idaztea erdarazko zuzentzailea oztopo bihurtzen delako. (gehiago…)

, , , / Albisteak, Librezale | Iruzkinak desaktibatuta daude 2017ko urtarrileko proiektua (eta 2016ko abenduko proiektuaren laburpena) sarreran

Deialdia: Abenduaren 6an Librezale Durangoko Azokan

2016-11-24

kabiaZer: Librezale eta hilabeteko proiektuaren aurkezpena, eta ask.libreoffice.org gunearen itzulpen maratoia.

Noiz: 2016ko abenduaren 6an, goizeko 11:00 eta 13:00 bitartean (Egitarau osoa).

Non: Durangoko Azokako Kabi@ aretoan (Nola iritsi).

Zer ekarri behar da: Hobe nork bere ordenagailua badakar. Wi-Fia dago.

Aurretik zer prestatu: Hobe Firefox eta honentzako Xuxen eta Euskalbar gehigarriak instalatuta badituzu, eta Transifex guneko Askbot proiektuan  Basque taldean izena aurrez ematen baduzu. Bestela bertan egin dezakezu ere.

Ezin naiz Durangora hurbildu, baina parte hartu nahi dut: Aurkezpena streaming bidez zuzenean emitituko dugu labur.eus/lzda (LibreZale Durangoko Azoka) helbidean. Etxetik itzultzera animatzen bazara, zalantzak Telegram taldearen bitartez argituko ditugu.

Animatu zaitez, behar zaitugu! (Gainera pegata oso esklusibo bat oparituko dizugu)

, , / Albisteak, Aplikazio libreak euskaraz, Librezale | Iruzkinak desaktibatuta daude Deialdia: Abenduaren 6an Librezale Durangoko Azokan sarreran

« Aurreko orrialdea
Hurrengo orrialdea »