200.000 lagun inguru ibili dira, ibili gara, aurtengo Euskaraldian. Euskararekin jarrera (pro)aktiboa erakutsi nahi dutenak ez dira gutxi. Baina horietako batzuek, Interneten nabigatzerakoan, askotan ez diote euskarari beraiek nahi haina lehentasun ematen. Gailua konfiguratzea zaila iruditzen zaizu? Nola konfiguratu ez dakizu? Bada, Euskaraldia izan daiteke urrats hori emateko behar duzun bultzada eta teknologia alorrean ere zure ohiturak aldatzen hasteko.