Librezalek OpenShot bideo-editorea euskaratu du

2010-07-22 / bideoa, openshot

OpenShot GNU/Linuxerako bideo-editore ez-lineala da. Azken bertsio egonkorra 2010eko urtarrilean argitaratutako 1.0 da.

OpenShot-ekin bideoak zatitu, doitu, biratu eta beste hainbat moldaketa egin daitezke. Efektuak ere aplika dakieke bideoei: distira, gamma, chroma key, gris-eskala… Bideo-zatien arteko trantsizioak eratzeko txantiloiak ditu, eta tituluak sor daitezke bai morroi sinple baten bidez bai Inkscape erabiliz.

OpenShot-ek bideo, audio eta irudien formatu anitz onartzen ditu eta, era berean, bideo-edizioaren emaitza formatu askotara esporta dezake.

Euskarazko bertsioa ez dago momentuz OpenShot 1.0 bertsioan integratuta, baina hurrengo bertsioan (1.1 bertsioa hain zuzen) egotea espero dugu. OpenShot euskaraz berehala erabili nahi baduzu, instalatu aplikazioa, deskargatu hizkuntza-paketea hemendik, destrinkotu eta kopiatu zure GNU/Linux sistemaren /usr/share/openshot/locale/eu/LC_MESSAGES direktorioan.

Iruzkinak eta ping-ak itxita daude.

« Piwik web analitiken softwarea euskaratuta

Firefox 4 beta 8 prest »

3 iruzkin

#1 gorkaazk — 2010/02/23 @ 5:14

Zorionak assar! Lan bikaina!
#2 jolaus — 2010/02/23 @ 7:06

Probatu dut eta dena primeran. Dagoeneko euskaratuta daukat Openshot. Orain probatu eta dena txukun doala egiaztatzea falta zait. Ikastolan horrelako editore sinple baten faltan gabiltza eta Openshot izan daiteke behar dugun hori.
#3 alexgabi — 2010/03/10 @ 23:08

Institutuan ingelesez erabiltzen genuen. Erraza den editorea orain errazago erabiliko dugu. Eskerrik asko.

Librezale / Menua

Librezalek OpenShot bideo-editorea euskaratu du

3 iruzkin