Mozillakoek mugikorretarako Firefox bertsioa (Firefox Mobile deiturikoa) argitaratu dute gaur. Orain arte Fennec kode-izenaren pean garatu den aplikazio honen 1.0 bertsioa da hau.

Momentuz Firefox Mobile hau Maemo sistema duten mugikorretan dabil (Nokia batzuetan), eta Windows Mobile-kin ibiliko da ere etorkizunean.

Firefox Mobile bere anaia nagusiak dituen hainbat ezaugarriz horniturik dator: barra txundigarria, fitxak, gehigarriak, pasahitzen kudeatzailea… Aurrekoaz gain, kokapenaren araberako nabigazioa eta Weave Sync erabiltzeko gehigarria bezalako ezaugarriak ere baditu.

Deskargatu Firefox Mobile euskaraz zure Nokia N810 edo N900 modeloentzat.