[Librezale] Euskararen aholku batzordeko mezua

[Alexander Gabilondo]

Aupa,

Gaur, hiru proposamen botako ditut:

Batetik, hiztegigintza digitalari begira lehen eta bigarren 
hezkuntzarako *euskara-euskara hiztegi digital* egokirik ez dut 
ezagutzen. Euskaltzaidiarena dago, Egungo Euskara Hiztegia, Harluxet... 
baina nik inpresioa daukat ikastetxeetan ez direla erabiltzen hainbat 
arrazoiengatik: interfaze konplexua edo zaharkituak, adibide falta, 
mugikorretarako aplikaziorik ez. Hori dela eta, baina ez horregatik 
bakarrik, ikastetxeetan gehien erabiltzen den hiztegia, nire ustez, 
Elhuyarrekoa da. Alegia eusakara-gaztelera hiztegia. Ikasle batek ez 
badaki 'urdaila' zer den Elhuyarren begiratu eta, ah! /estómago/. 
Ikastetxe gehienetan ingelesa, euskara eta frantsesa gazteleraren 
gainean ikasten da. Eta, neurri batean, irakasleek ez dutelako ezagutzen 
euskara-euskara hiztegi bat. Paperezko Harluxetak desagertzen ari dira 
eta ordezko digitalik ez da erabiltzen.

Bigarrena, hezkuntzarekin lotuta ere. EAEko Hezkuntza Sailaren politikei 
esker ikastetxeentzat geroz eta zailagoa da ordenagailuen sistema 
eragileak eta aplikazioak euskaraz edukitzea. Sistema, aplikazioak, 
hodeia eta plataformak euskaraz bermatzen duen bakarra software librea 
da eta Hezkuntza Sailak software librea erabiltzeko geroz eta oztopo 
handiagoak jartzen ditu. Ikastetxe publikoen autonomia lurraren altueran 
uzteko bigarren hezkuntzako ordenagailuen ordez orain errenting edo 
alokairuzko chromebookak  eta Windows soilik duten ordenagailuak 
hornituko ditu. Ikastetxearenak ez direnez ezingo dute euskarazko 
sistema edo aplikazio libreak instalatu. Beraz, gailuak euskararik gabe 
edo zulo handiekin erabili beharko dituzte ikasleak.  Eskaera da 
euskarazko softwarea erabili nahi duten ikastetxeei aukera ematea 
Luberri edo *euskara erabiltzen duten bestelako sistema eta aplikazio 
libreak instalatu ahal izatea*.

Azkenik, administrazio osoari begira hirugarren eskaera: euskarazko 
software librea erabiltzen duten ikastetxeei edo udalei -Pasaiakoa 
eredu- Jaurlaritzak -eta Aldundiek- formatu pribatiboko formulario, 
makroak dituzten Excel kalkulu orriak eta abar bidaltzen dizkigute eta 
horrek euskarazko sistemak eta aplikazioak erabiltzea eragozten du. 
Eskaera da Jaurlaritza eta Aldundietatik bidaltzen diren dokumentuak, 
euskaraz bidaltzeaz gain, *euskarazko softwarea ireki dezaketen formatu 
estandar irekian bidaltzea*.

Gaurko nahiko. Barkatu txapa.

Alex


21/5/5 07:58(e)an, Ander Elortondo , Librezale-en bidez igorleak idatzi 
zuen:
> Kaixo Alex:
>
> Zuen eta edonoren proposamenak entzuteko prest. Zuekin komentatu eta 
> gero mahaiganeratzeko prest egoki ikusiz gero. EZ eskatu windoes 
> gazteleraz lehenestea ;-)
>
>
> Ander.
>
>
> 21/5/4 22:22(e)an, Alexander Gabilondo , Librezale-en bidez igorleak 
> idatzi zuen:
>>
>> 21/4/28 19:40(e)an, Txopi igorleak idatzi zuen:
>>> 21/4/27 22:38(e)an, Ander Elortondo igorleak idatzi zuen:
>>>>> Hau idatzi du Txopi (txopi a bildua ikusimakusi.eus) erabiltzaileak (2021 api.
>>>>> 27, ar. (15:04)):
>>>>> 21/4/27 14:15(e)an, gorkaazkarate a bildua ni.eus igorleak idatzi zuen:
>>>>>> Mila esker Ander informatzeagatik eta taldean ohikoak diren iritziak
>>>>>> foro horretan defendatzeagatik. Oso ondo egingo duzu, ziur nago.
>>>>>>
>>>>>> Baten batek egin behar zuen eta zeuk eman zenuen urrats bat aurrera.
>>>>>>
>>>>>> Eutsi goiari!
>>>>>>
>>>>> Kaixo:
>>>>>
>>>>> Nik ere eskerrak eman nahi dizkizut EABko ingurune digitalaren 
>>>>> batzorde
>>>>> horretan software librea eta hemen bultzatzen ditugun baloreak eta
>>>>> proiektu-motak sustatzeagatik. Euskal gizartearen parte garenez 
>>>>> gero eta
>>>>> ingurune digitalean lan egiten dugunez, Librezaleko kideren bat hor
>>>>> aritzea ondo iruditzen zait.
>>>>>
>>>>> Hala ere, badaezpada argi gera dadin, "Librezale gisa aurkeztu
>>>>> nintzenez" diozunean, Librezaleko kidea den *norbanako* bezala zoaz,
>>>>> ezta? Hau talde asanblearioa da eta jakina denez, pertsona batek 
>>>>> ezin du
>>>>> Librezale ordezkatu. Norbanako bezala zoazela ulertzen dut eta 
>>>>> software
>>>>> librearen alde hainbeste urte lan egin ondoren, nolabait Librezaleren
>>>>> ikuspegia foro horretan pixka bat islatuta egongo dela. Bai, ezta?
>>>> Aupa!
>>>>
>>>> Foro horretan librezaleko kidea naizelako nago. Ni baino aproposagoak
>>>> zareten asko ezin izan duzuelako edo nahi ez duzuelako. Ez naute
>>>> aukeratu zerrenda horretako asko merezi duten aditu izaeragatik.
>>>> Edonola, argi daukat han NI nagoela eta NIre iritzia emango dudala.
>>>> Librezale ezagutzeaz gain, nire egoa ez da irizten inor 
>>>> ordezkatzera ;-)
>>>>
>>> Kar, kar, kar... bai, argi neukan, posta-zerrendan ere argi geratzea
>>> nahi nuen. Eskerrik asko!
>>>
>>> Goraintziak,
>>> Txopi.
>>> _______________________________________________
>>> Librezale mailing list
>>> Librezale a bildua librezale.eus
>>> https://librezale.eus/cgi-bin/mailman/listinfo/librezale
>>
>> Kaixo,
>>
>> Ongi ulertu badut, Ander aditu bezala gonbidatu dute eta titulu 
>> pertsonalean arituko da. Dena den, Ander, prest al zaude eskaerak edo 
>> iradokizunak hartzeko? beti ere konpromisorik gabe.
>>
>> Alex
>>
>> _______________________________________________
>> Librezale mailing list
>> Librezale a bildua librezale.eus
>> https://librezale.eus/cgi-bin/mailman/listinfo/librezale
> _______________________________________________
> Librezale mailing list
> Librezale a bildua librezale.eus
> https://librezale.eus/cgi-bin/mailman/listinfo/librezale
-------------- hurrengo zatia --------------
Erantsitako HTML dokumentu bat ezabatu egin da...
URL: <http://librezale.eus/pipermail/librezale/attachments/20210505/ea1c21ac/attachment.htm>