[Librezale] Librezaleren asanblada berria

[Osoitz E]

Kaixo argitu nahiko nuke, asanblada deialdi hau ez duela gaizki-ulertu
batek motibatu, asko izan dira Librezaleren izenaren erabilera "berri"
batek sortu izan dituen gaizki-ulertuak, eta hau ez da izan nire
deserosotasuna adierazi dudan lehen aldia.

Ulertzen dut orain biltzeko baldintzak ez direla egokiak eta itxaron
beharko dugula, ulertzen nuen hori dagoeneko konfinamendua hastear
zegoelako itxarotea erabaki zenean asanblada bat eskatu nuenean aurrekoan,
hain zuzen berriro ere Librezaleren izenaren erabilerarekin sortutako
gaizki-ulertu batek motibatua.

Onartzen dut, haserreak eraman nauela eta ez ditudala gauzak ongi esan,
damutzen naiz esandako batzuetaz, barkamena eskatu behar dut horregatik.

Bai haserre nengoen, errespetu falta larria iruditzen zitzaidalako
Librezalek eztabaidarako itxaroteko beharra duenean, Covid-aren erruz
oraingoan, hain zuzen gaizki-ulertu horiek sortzen ari direnak ere
itxaroten ez jakitea.

Ez dut ukatzen elkarren arteko adiskidetasun erlazioak emaitza positiboak
eman dituela eta gehiago ere eman ditzakeela, nik adibidez Scratch
Itzultzen lagundu nuen Alexek hala eskatu zidanean, eta berriro egingo nuke.

Zoritxarrez disonantzia oso fuerteak daude Librezalek denbora luzez izan
duen praxia eta Hezkuntzan Librek bere helburuak lortzeko izan behar duela
ulertzen duenaren artean, ni deseroso sentitzen naiz Librezale izena gauza
konkretu batzuei lotuta ikustean.

Dena dela konturatu naiz, hain zuzen Hezkuntzan Libren bereziki aktibo
dauden pertsona horiek direla telematikoki biltzeko gogo gehien dutenak,
eta baita alde bateko zein bestekoak direla izen aldaketa batek arazoak
konponduko lituzkeela adierazi dutenak (Edo arazoak eta gaizki-ulertuak
sortu dituen izen aldaketa bat desegitea).

Hezkuntzan Libre erabakiak hartzeko erabat autonomoa izan da orain arte,
eta inork ez du esan hori aldatu nahi dionik, are gutxiago kanpotik. Beraz,
Librezaleri itxarotea bere jarduera atzeratzea suposatzen badu, eta
konponbide batera eraman gaitzaketen erabakiak hartzeko prest badago, agian
ez dio Librezaleren asanbladari itxaron behar hori eztabaidatzeko.

Zaindu,

Osoitz

On Tue, 16 Jun 2020 at 00:07, Dabid <dabid at laborategia.eus> wrote:

> Kaixo guztioi,
>
> Eztabaida honen harira gai desberdinak aipatu beha direla uste dut:
>
> 1. Errespetu falta
>
> Txat gelan errespetu falta nabarmenak egon direla uste dut, eta horri ere
> heldu beharko genioke asanbladan. Asanbladako gai orderenean sartzea
> proposatzen dut. Egoera askatu nahi baldin badugu, elkarri zor diogun
> errespetutik hasi beharko ginateke.
>
> 2. Gaizki-ulertua
>
> Bat nator Anderrekin eztabaida guzti hau gaizki-ulertu batetik abiatzen
> dela esaten duenean. Hitzaldian inork ez zuen diru publikorik eskatu.
> Administrazio publikoak, hezkuntza bere konpetentzia den eñean, burujabetza
> teknologikoa eta software librea bermatu behar zituela esan zen. Agian ez
> hitz hauekin. Horixe da HEL taldean _egin_ dena azken urteotan. Komunikatua
> adostu, sinadura bilketari ekin, hezkuntza komunitateko aktore
> desberdinekin bildu... Dena den, argigarria dirudi aipatzea mahai-inguruko
> partaide bakoitzak nork bere iritzitik parte hartu behar zuela eta kasurik
> txarrenean administrazio publikoa interpelatuko lukeena HEL izango
> litzatekeela eta ez, aipatu zen bezala, Librezale.
>
> HEL, behintzat alde ekonomikoari dagokionez, autogestioan oinarritzen den
> taldea da. Norberaren borondatez egiten ditugu egiten ditugunak,
> azpiegitura minimo bat behar dugu eta Librezalen azpiegitura konpartitzea
> erabaki genuen. Orain beste gauza bat erabaki nahi badugu, primeran.
> Eztabaidatu dezagun.
>
> Puntu honekin bukatzen joateko, HEL-ko partaide naizen eta topaketen
> antolakuntzan lagundu dudan eñean, Librezaleren txat gelan erdi estalita
> esan den gezur bat ezeztatu nahi dut: HEL-en ez dagoela eztakitosondonongo
> batzorde nagusirik eta han ere erabaki gehienak (denak esango nuke),
> kontsentsuan oinarritu direla.
>
> 3. Taldeen bateragarritasuna
>
> Uste dut talde bien koexistentzia bermatu daitekeela. Gaur egungo egoeran
> ere. Bateragarri ikusten ditut ildo biak eta ez dut uste elkarrekiko
> baztertzaileak direnik. Baina hau asanbladan eztabaidatuko dugunez,
> asanbladan arrazoituko dut.
>
> 4. Asanblada
>
> Ondo deritzot asanblada.
>
> Dirudienez gai asko daude jorratzeko, batzuk garrantzitsuak. Formatuari
> dagokionez ere eztabaidatu da txat gelan. Fisikoa, birtuala ala mixtoa izan
> behar duen eztabaidatu beharko genuke. Aukeran argumentuekin.
>
> Ni mixtoa egitearen aldekoa naiz. Covid19-a dela eta uste baitut pertsona
> askok beraien harreman sozialak ezinbestekoetara mugatuko nahi izango
> dituztela (hala eskatu du taldekide batek gainera). Hala nahi duenak joan
> dadila fisikoki osasun baldintza minimoak bermatzen ditugun bitartean (gela
> aireztatua, 2 metroko distantzia, musukoa...) eta ez duenak nahi fisikoki
> parte hartu, har dezala parte birtualki. Ez naiz gai proposamen honen
> arazoa zehazki non dagoen antzemateko (oraindik inork ez baitu honen kontra
> argumentatu).
>
> Beste proposamen bat ere egon da: asanblada kalean egitea.
>
> Fisikoa lehenetsiko nuke, baina ez nuke inor baztertuko bere osasunari
> kalte egin nahi ez diolako, osasunari dagokionez erosoago sentitzen delako
> etxean edo Europako mugak irekiko direlako (planteatu ahal diren
> argudioekin ados egon edo ez egon beste kontu bat da, baina ez dut uste
> koronabirusen inguruan hemen eztabaidatu behar dugunik).
>
> 5. Ondorioak
>
> Lehen puntura bueltatuko naiz.
>
> Eztabaida honek ondorio txarrak izan ditzake. Ez eztabaidak berak, baizik
> eta jarrerak. Bat baino gehiago izan gara jarrerak kritikatu eta mesedez
> eztabaida baretzeko eskatu dugunok. Nik argi daukat: asanblada prestatzen
> laguntzeko prest nago, baina hemendik aurrera jarrera ez bada aldatzen, ez
> dut asanbladan parte hartuko. Ez nagoelako prest Librezaleko kide
> batzuekiko egon diren jarrera gaitzesgarri batzuk saritzeko.
>
> Ondo izan.
>
> [1] https://hezkuntza.librezale.eus/honi-buruz/
>
> 20/6/15 13:47(e)an, Ander Elortondo igorleak idatzi zuen:
>
> Aupa guztiori:
>
> Eztabaida honek asanblada berri bat martxan jartzea gauza positiboa da,
> guztiok elkartzea eta lasaitasunez hitz egitea, kontzeptuak argitzea,
> jokabideak definitzea edo beharrezko ikusten dena azaltzea beti
> mesedegarri.
>
> Edonola *gauza bat argitu beharrean sentitzen naiz, eztabaida gaizki
> ulertu batek piztu duela*, hau izan zen abiarazlea:
>
> "[...] Ez zait buruan sartzen nola egin den batzar hori Librezaleren
> izenean, diru publikoaren eskean dabilena nire ustez ez daki zergatik sortu
> zen Librezale. [...]"
>
> *Nik bideo ikusita, ez nuen inor entzun diru publiko eskean.*
>
> Hezkuntza publikoko azpiegiturak administraziori dagozkiola esatea
> ospitale publikoak hornitzea administrazioari dagokiola esatea besterik ez
> da. Noski hezkuntza publikoan administrazioak inbertitzen duela, hori hala
> da. Ez da iritzi bat. Nork egiten ditu inbertsioak?
>
> Librezaleko kide batek inbertsio hori nolakoa nahi du, librea ala
> pribatiboa? Nik uste, hortik datorrela HEL sorrera.
> Borroka hori librezale taldeari dagokio? orain arte Ez.
> Librezale printzipioekin talka egiten du?  Nik orain arte ez dut ikusten,
> (HEL diru-laguntza eske hasiko balitz bai.)
>
> Nik Julen bezala " talde, ez elkarte, diru-laguntzarik ez,asanblada, egin
> > hitz egin." ikusten dut taldea, eta orain arte HEL ere horrela jardun da
> ez?
>
> Egin dezagun asanblada, lasaitasunez eta giro onean elkartu eta jarrai
> dezagun Euskal Herri euskaldun eta libre baten alde.
>
> Izan libre izan euskaldun!
> Ander.
>
>
>
>
>
> Mezu hau jaso duzu <mikelgs at ni.eus> <mikelgs at ni.eus> helbidetik (2020
> eka. 15, al. (13:05)):
>
>> Kaixo Assar,
>>
>> Niri ondo etorri zait zure mezua (HeL taldekoa naiz, gerora Librezalera
>> hurbiltzen hasi dena).
>>
>> Ostegun honetan HeL-eko bigarren topaketa dago. Eskertzekoa litzateke
>> lasaitasun pixka bat, hori antolatzen ari direnek urduritasuna horrekin
>> bakarrik izan dezaten. Lasai hartu, gauzak ondo egingo ditugu eta. Bai
>> Librezale taldea eta bai Hezkuntzarako ekimena sendoago atera daitezela
>> honetatik!
>>
>>
>> Hemen behean kopiatzen dut matrix-telegram gelan egondako eztabaida
>> (tarteko mezu batzuk kendu ditut, itzulpenei buruzkoak zirelako).
>> Edonork irakurri ahal izateko hemen eta akaso posta zerrendan hobeto
>> gordeta geratzen delako:
>>
>>
>> 2020-06-11 (HeL-ek antolatutako 1. streaming topaketa) 18:00-19:00
>>
>> Osoitz
>> Librezaleren izenean hezkuntzaren inguruan egin den batzarra entzun dut
>> gaur. Ez zait buruan sartzen nola egin den batzar hori Librezaleren
>> izenean, diru publikoaren eskean dabilena nire ustez ez daki zergatik
>> sortu zen Librezale.
>>
>> txopi
>> Osoitz gaizki-ulertu bat dagoela uste dut. Topaketa horiek "Hezkuntzan
>> ere Librezale" taldeak sortu ditu. Logo propioa du, komunikazio eta
>> koordinazio talde desberdinak ditu, 2017an sortua da eta webgunean hau
>> dio:
>> Screenshot_20200611-214741_1.png
>> Descargar Screenshot_20200611-214741_1.png (497.29 KB)
>> LogoKarratua.png
>> Descargar LogoKarratua.png (773.65 KB)
>> Librezalek ez ditu topaketa horiek antolatu.
>>
>> Osoitz
>> Ondo ulertu badut esan nahi daidazuna, aparteko talde bat da ,
>> independentea, Librezalerekin zerikusirik ez duena, bai?
>>
>> txopi
>> Edukiari dagokionez, itxaron dezagun ordu bateko grabaketa publiko
>> egitera eta diru publikoa eskatzearena aztertuko dugu. Ea zein
>> gonbidatuko esan duen, nola esan duen, zertarako eta abar.
>>
>> Osoitz
>> Horrela bada, ulertzen ez dudana da zergatik aparteko talde horrek
>> Librezaleren izena erabiltzen duen
>> Ezatabaidatzen ari garen guzti hau, zein asanbladatan erabaki da?
>>
>> txopi
>> Posta zerrendan aurkeztu nuen taldea bere garaian, azpidomeinua eskatu
>> nuenean. Urte guzti hauetan inork ez du hitz txar erdirik esan. Gure
>> azpiegitura erabiltzen dute guk eskaini genielako.
>>
>> Osoitz
>>
>>      Urte guzti hauetan inork ez du hitz txar erdirik esan.
>>      Barkatu?
>>
>> txopi
>> Inork ez du esan asanblada espezifiko bat egin behar zenik. Zuk
>> proposatu dezakezu egoki ikusiz gero. HeL-en ostegunero egiten ditugu
>> bideokonferentziak.
>>
>> Osoitz
>> Jakina inork ez duela esan asanblasa espezifiko bat egin behar zela,
>> baina asanbalada bat egin behar zela hau, eta beste hamaika gauza
>> ezatabaidatzeko nik esan esan dut
>> eta gainetik pasatu zarete
>> inolako kausir egin gabe
>>
>> dabid
>> Ba esango nuke, besteak beste, talde hori sortzearen beharra Librezalen
>> eztabaidatu zelako. Librezale ren azpiegitura erabiltzea onartu zen...
>> Betidanik erabili izan du izen hori.
>>
>> Edonola ere, Osoitz, ezin izan dut mahai-ingurua osorik ikusi, baina ez
>> dut uste lan taldean ibili den inork "diru publikoaren eskean"
>> dabilenik. Hala izan bada, eta gonbidaturen batek esan badu, bere
>> borondatez egin du eta ez taldeak hala eskatu diolako.
>>
>> Osoitz
>> zun rollora
>> zuen rollora
>> aurretik geundeun horietaz paso eginez
>> zuen planarekin auirrera
>> a sako
>> matxakatzen
>>
>> txopi
>> Ez dakit zehazki zergatik esaten duzun hori, baina benetan diotsut nik
>> ez dudala inor matxakatzeko intentzioarekin ezer egin. Hala ere, nik
>> horrela sentituarazi bazaitut barkamena eskatzen dizut.
>> Errespetuz jokatzen saiatu naiz uneoro eta ez dut inor mindu nahi izan.
>>
>> Osoitz
>> Barkamena eskatzen diot goi batzarrari,ez dut gehiago molestatuko. Gora
>> batzorde nagusia!
>> Mensaje eliminado
>>
>> @etxondoko Ander Elortondo (Telegram)
>> Ez dut hitzaldia ikusi. Baina zein da zehazki arazoa? ni kokatzearren.
>> a) norbaitek talderako HEL talderako diru-publikoa eskatu du?
>> b) softwarea edo hezkuntzarako eskatu du?
>>
>> dabid
>> Osoitz, jakin dezazun, flipatzen nago. Gura duzunean garagardo batekin
>> komentatuko dugu, baina aldez aurretik:  oso lasai daukat kontzientzia
>> (eta zure azken mezua ezabatu orduko irakurri dut eta erabat lekuz kanpo
>> dagoela dakizula suposatzen dut, baina ez dut ez irakurritzat emango eta
>> elkarren aurrean gaudenean horretaz berba egin nahi dut).
>>
>> @etxondoko Ander Elortondo (Telegram)
>> Ni bi telegram taldeetan nago eta orain arte ez dut arazorik ikusi bata
>> eta besteak bultzatu dutenen artean, iritzi batzurekin guztiz ados ez
>> egon arren.
>> Osoitz
>>
>> @etxondoko Ander Elortondo (Telegram)
>>
>>      Ez dut hitzaldia ikusi. Baina zein da zehazki arazoa? ni
>> kokatzearren.
>>      a) norbaitek talderako HEL talderako diru-publikoa eskatu du?
>>
>> Hitz gutxitan, hezkuntza publikoaren arazoa diru publikoarekin
>> konpontzen dela, hau sorpresa, ezta? Baina ez du zerikusirik LZrekin
>>
>> @etxondoko Ander Elortondo (Telegram)
>> Hezkuntza publikoan sofware librea bultzatzen duen taldean finantzaketa
>> publikoa hezkuntzarako eskatzea ez dut uste librezalerekin talka egiten
>> duenik. Dirua software pribatibo gehiago jartzeko balitz bai.
>>
>> Osoitz
>> Baina dirua publikoa eskatzeak badu talka Librezalerekin, ikus
>> asanbladen aktak
>> eta hori aldatu nahi bada, egin asnblada berri bat
>>
>> @etxondoko Ander Elortondo (Telegram)
>> Librezale bera finantzatzearekin, ez hezkuntza finantzatzearekin edo
>> osasuna finantzatzearekin.
>>
>> Osoitz
>> Zeri buruz ari zara?
>>
>> @etxondoko Ander Elortondo (Telegram)
>> HEL, software librea hezkuntzan zabaldu nahi du. HEL diru-laguntzaz
>> finantzatzea gauza bat da eta hezkuntza finantzatzea beste bat da.
>> dirua talderako edo hezkuntzan sofware librea jartzeko?
>>
>> Osoitz
>> Hezkuntzan Libre ez bada Librezale, nahi duena egin dezake
>>
>> txopi
>> Osoitz, niri bururatzen zaidana Librezaleren bilera birtual bat egitea
>> da. Jitsi bitartez adibidez. Gai-zerrendan puntu hau eta egoki ikustan
>> baduzu(e) beste batzuk ere. Ados?
>>
>> Osoitz
>> Orain? Kar
>>
>> alex gabilondo (Telegram)
>> Nire amak esango luke: benga denok ohera!
>>
>> txopi
>> Ez, aste pare bat barru adibidez. Eguna, ordua eta URLa erabakitzen joan
>> gaitezke. Posta-zerrendan informatu. Eta hori guztia.
>>
>> txopi
>> Bai, gabon.
>> Viernes
>>
>> mikelgs
>> Kaixo Osoitz, ni nintzen topaketa horretako moderatzailea eta ahal izan
>> duguna egin dugu. Bakarrik esan nahi dut ondo ezagutzen ez zaitudan
>> arren estimatzen zaitudala, zuk lagundu zenidan hasieran software
>> itzultzeko kontu honetan eta gutxi baina beti ondo idazten duzu hemen.
>> Aspaldi eskatu zenuen Librezaleren asanblada egiteko, eta konturatu
>> nintzen ez zela aurrera atera. Ni ez naiz konektatuko, baina Txopik esan
>> duena ideia ona dela uste dut. Egin itzazue bideobilerak, beharra
>> dagoela dirudi.
>> Hau da hau, pixa egitera altxa eta mobila hartu beharra... diossss 😅😅
>>
>> Karmel Uribarren (Telegram)
>> Badago ikusterik 'Software librea hezkuntzan' hizpide izan zen topaketa
>> hori? Eskertuko neuke. Eskerrik asko
>> Karmel Uribarren (Telegram) cambió su imagen de perfil.
>>
>> @etxondoko Ander Elortondo (Telegram)
>> Nik gertatutakoa ulertzeko ere eskertuko nuke.
>>
>> Osoitz
>>
>> mikelgs
>>
>>      Kaixo Osoitz, ni nintzen topaketa horretako moderatzailea eta ahal
>> izan duguna egin dugu. Bakarrik esan nahi dut ondo ezagutzen ez zaitudan
>> arren estimatzen zaitudala, zuk lagundu zenidan hasieran software
>> itzultzeko kontu honetan eta gutxi baina beti ondo idazten duzu hemen.
>> Aspaldi eskatu zenuen Librezaleren asanblada egiteko, eta konturatu
>> nintzen ez zela aurrera atera. Ni ez naiz konektatuko, baina Txopik esan
>> duena ideia ona dela uste dut. Egin itzazue bideobilerak, beharra
>> dagoela dirudi.
>>
>> Kaixo Mikel,
>>
>> Nola zu hemen berria zaren gauza batzuk ezin dituzu ezagutu, eta beraz
>> ulertu, ulertzeko moduan azaltzen saiatuko naiz.
>>
>> Librezale sortu zenean baziren hainbat erakunde, talde eta enpresa
>> antzeko gauzak egiten, Software Librea eta edo Euskararekin zerikusia
>> zutenak, Librezalek besteek betetzen ez zuten hutsune bat bete nahi izan
>> zuen, enpresen logika ekonomikoa zein administrazio publikoari
>> zuzendutako eskaeretaz at bidea egitea ote zegoen esploratzeko,
>> bazegoela demostratzeko.
>>
>> Egin zen bigarren asanblean jarri zen hau idatziz lehen aldiz, eta ia bi
>> hamarkadako praxiak hau azpimarratu du, hau dela Librezaleren izaera,
>> gauzak egiten dituen talde autonomo bat.
>>
>> Horrek ez dio zilegitasuna kentzen besteek egin dezaketenari, Librezalek
>> bere buruari ezarritako egiteko era da, Librezaleren definizioa da, ez
>> beste inorena. Librezalek zer egiten duen eta nola egiten duen mugatzen
>> du, definitzen du.
>>
>> Denborarekin beste erakunde, talde eta enpresak edo desagertu dira edo
>> egiteari utzi diote, hainbat arrazoi medio, eta nahiko bakarrik geratu
>> da Librezale lan honetan.
>>
>> Ez dakit horrek demostratzen duen izaera autonomo hori erabaki zuzena
>> zela, ala inor baino burugogorragoak garela, baina dagoena dago eta
>> garena gara.
>>
>> Zoritxarrez Librezalek ez du bere burua ondo zaindu, eta oso
>> garrantzitsuak diren asanbleak egitea ahaztu zaigu, dena jada esanda
>> zegoelakoan edo.
>>
>> Agian horregatik printzipio horiekin talka egiten duten gauzak gertatu
>> dira, ez asmo txarrez egindakoak, baina edonola ere Librezaleren
>> definizioarekin talka egiten zutenak.
>>
>> Horietako bat, denborarekin talka egiten bukatu duena, Hezkuntzan Libre
>> taldearen sorrera izan da.
>>
>> Talde hau Librezaleren orbitan sortzen da, baina oso bestelako
>> irakurketa bat egiten bukatu du, administrazioari gauzak eskatu behar
>> dizkiola uste du.
>>
>> Ez dut eztabaidatuko irakurketa zuzena ala okerra den, kontua da,
>> Librezaleren definizioarekin talka egiten duela, eta beraz egokiagoa
>> litzatekeela bere irakurketa hori bada, bere ibilbide propioa egingo
>> balu, Librezalek bere unean egin zuen bezala, bere burua definituz
>> besteekiko, aurretik zeuden horiekiko, desberdinduz.
>>
>> Hori Librezaleren izaera hiltzea baino egokiagoa litzateke, askoz
>> egokiagoa.
>>
>> @etxondoko Ander Elortondo (Telegram)
>> Bideoa ikusi nahi nuke. Atzo ez baizitzaidan garbi gelditu,
>> administrazio laguntzak taldearentzat eskatzen ziren edo hezkuntzan
>> software librea eta azpiegituretan inbertitzeko. Lehenak Osoitz
>> (Telegram) dioen bezala librezale filosofiaz talka egiten duelako eta
>> bigarrena aldiz nire iritziz administrazioak hartu beharko lukeen bidea
>> baita, bere ardurak, hezkuntza ere, software librean oinarritzea eta
>> horretan inbertitzea.
>>
>> Iñigo Gebara (Telegram)
>> Nire ustez bigarrena jorratu zen baina ez nuen osorik ikusi. Hala ere,
>> gauzak argi utzi behar dira eta batez ere librezalen ibilibide luzea
>> duzuen horiek pisua duzuela uste dut. Hezkuntzan librezalek bilatu eta
>> aurkitu zuen librezaleren aterkia baina talka baldin badago dena hitz
>> egin daiteke.
>> Nire aldetik besterik ez
>>
>> dabid
>> Nire aldetik bakarrik aipatzea gozada bat dela eztabaida bat
>> argumentuetan oinarritzen denean. Deskalifikazioan oinarritzea baino
>> askoz sanoagoa, esango nuke.
>>
>> (Ezin nuen utzi esan gabe, dagokidanetik oso haserre bukatu nuelako
>> atzo).
>>
>> Bigarren bidea jorratu izan da beti, hau da, administrazioari eskatu
>> burujabetza teknologikoa (ez bakarrik soft librea) berma dadin. Bera
>> baita horren erantzule. Edonola ere, atzo ezin izan nuen dena ikusi,
>> baina esango nuke hala izango zela. Mikelek HEL ordezkatzen duen, beste
>> hizlari guztiek nor bere burua (uste dut).
>>
>> Ez dut uste talka egiten duenik eta esango nuke ez dela lehen aldia
>> Librezale admin publikoa interpelar zen duena. Hala ez bada zuzendu.
>>
>> dabid
>> Bada ezpada, ze agian ez da nire mezua ongi ulertzen: dena den atzo
>> admin publikoa interpelatu zuen taldea HEL izan zen, ez Librezale hemen
>> aipatu zen moduan.
>>
>> Aterkin horretan esango nuke eroso sentitzen dela HEL, Librezale ez bada
>> eroso sentitzen, eztabaidatu beharko da eta egin beharrekoak egin.
>> Badagokio.
>>
>> @mikelgs:matrix.org
>> Ni HeL-en sartu nintzenean (hemen baino lehenago), nahiko azkar entzun
>> (edo irakurri?) nuen aparte zela Librezaletik. Orain ulertu dut Osoitzek
>> aipatzen duen diferentzia. Eta esango nuke badagoela diferentzia:
>> Librezalek erakutsi du posible dela EGIN eta listo, instituzioak (ia)
>> interpelatu gabe soluzioa ekartzea (softwarea euskaratzea). Baina HeL-en
>> lana beste bat da, hezkuntzan software librea (+euskaraz, +zerbitzari
>> propioak, +eduki libreak...) sustatzea da. Hori uste dut ezin dugula
>> EGIN (homeschooliñarekin-edo ez bada).
>>
>> Atzokoa eztabaidatzeko, hobe itxarotea bideoa ikusi arte. Ni printzipioz
>> isilik egoten saiatuko naiz, irakurtzen eta ikasten.
>>
>> Egin / eskatu desberdintasuna oso garrantzitsua den; HeL-el Librezale
>> izena edukitzea hemen ondo irizten den; eta abar egiteko, udara osoa
>> duzuela uste dut. Momentu ona da.
>>
>> (...)
>>
>> gorkaazk
>> Bilaketa azkar bat egin dut foro honetan "batzarra" ... "asanblada"  eta
>> talde honek 6 bat batzar nagusi egin zituen 2003-2010 eta ZERO azken
>> hamar urteotan. Osoitzek behin eta berriro beste bat egin beharko
>> genukeela aldarrikatu du... Erantzun positibo bat edo beste topatu dut
>> (@Aldatsa, @Txopi... eta ixiltasuna edo broma-erantzunen bat ere bai...
>> https://librezale.eus/wiki/Asanbladak
>> Asanbladak - Librezale.eus
>> Asanbladak Librezale.eus(e)tik Hona jo: nabigazioa , bilatu Morgako
>> Ituna 2003-06-07 sorrera bilera Librezale II. Kongresua 2003-09-20
>> asanbladako akta
>> Telegram-Matrix foroa sortu zenetik, komunikazioa aldatu egin da,
>> posta-zerrenda besterik erabiltzen ez zenean, mezu luzeagoak, landuagoak
>> idazten ziren. Serioagoak.
>> Bat-bateko mezularitzak azkartasuna, bizitasuna, saltsa ekarri du. Baina
>> batzuetan zarata eta gaizki-ulertuak ere bai.
>> Gogoratzen dut Librezale lehen batzar nagusira joan nintzenean galdetu
>> nien taldean zeudenei ea nola hartzen ziren erabakiak. Gutxi gorabehera
>> zera esan zidaten "erabakiak adosten ditugu". Hasieran sinesgaitz
>> iruditu zitzaidan baina batzar hartan, behintzat, horrela gertatu zen:
>> hartu ziren erabakiak aho batez hartu ziren eta egin beharreko lanak
>> boluntarioen artean banatu ziren...
>> Osoitzekin, Aldatsekin eta beste batzuekin bat nator: BADA GARAIA BATZAR
>> NAGUSI BERRI BAT antolatzeko!
>> Osoitzek gai zerrenda bat eta guzti bota zuen aurreko batean.
>> josu_sailuente
>>
>> gorkaazk
>> Horra Osoitzek bota zuen gai zerrenda(moztu-itsatsi eginda):
>> ● Zer da Librezale: Lan talde gisa definitzen dugu gure burua.
>> Hezkuntzaren inguruan sortutako erronka garrantzitsu bat dago baina
>> adibidez NextCloud itzultzeko gai ez garela ematen du, gure lana
>> alternatibak sortzea ez dela ere irakurri dut, eta horrek asko harritzen
>> nau Librezaleren ADN-an beti egon delako alternatiba horiek euskarara
>> ekartzea. Egin > hitz egin.
>> ● Nola hartzen ditu erabakiak Librezalek: Tradizionalki asanbladatan
>> hartzen ziren erabakiak, presentzialak. Aspaldi ez dela honelako bat
>> egin.
>> ● Zerk justifikatzen du asanblada bat. Librezaleren komunikazio
>> kanaletan aipatu ere ez diren estrukturak sortu dira Librezale bertako
>> parte litzatekeela aditzera emanez.
>> ● Zer egin behar da Librezaleren izenean hitz egiteko, edo nola kudeatu
>> genitzake asanblada bat justifikatzen ez dituzten gaiak. Librezaleren
>> izenean hitz egin duten enpresa pribatuak ikusi ditut, Librezalerekin
>> kontsultatu gabe ere bakarrik kideren bat Librezalekoa zelako, gutariko
>> bakar batekin hitz eginda Librezalerekin hitz egiten zutela uste zuten
>> instituzioak...
>> ● Webgunea: Desastre bat eginda daukagu.
>> ● Komunikazioa: Parasitoak agertu behar izan zaizkigu proiektu batzuei
>> argia emateko.
>> Ziur aski tratatu beharreko gai gehiago daude."
>>
>> txopi
>> Ni asanblada bat egitearen alde: aurrez aurrekoa, online, orain edo
>> aurrerago. 10 urte pasa dira azken bilera egin genuenetik? Hori konpondu
>> beharra dago :-)
>> josef se unió a la sala.
>>
>> txopi
>> gorkaazk-k egindako ausnarketa guztiekin bat nator.
>> Sábado
>>
>> txopi
>> gebara99-k dioen bezala, dena hitz egin dezakegu eta HeL eta Librezale
>> banatu, aldendu, mugak ezarri eta nahi dena. Baina nik esan beharra dut
>> honetaz dezente ausnartu dudala, Librezalen ia hasieratik nagoelako eta
>> HeL-en hasieratik eta talde biak guztiz konpatibleak eta osagarriak
>> ikusten ditudala. Nire ustez super-aberasgarria izatena ari da bataren
>> eta bestearen azpiegitura, lana, dinamikak, indarrak eta dena.
>> Elkarrekin nola bizi zehaztu behar dugu, noski, baina elkarrekin
>> banatuta baino askoz indar eta bizitasun handiagoa dugula ulertuz (nik
>> behintzat hori sinesten dut goitik behera eta mila adibide ikusten ditut
>> hori frogatzen dutena).
>> Osoitz-ek aipatzen duen administrazioarekiko jarrera hori, ni ere ados
>> nago desberdina dela. Baina Hezkuntzaren esparrua nork arautzen duen eta
>> zein agente dituen kontuan izanda, guztiz logikoa iruditzen zait HeL-en
>> jarrera eta ez dut Librezaleko itzultzaile autonomoen ingurugiroarekin
>> berdindu behar denik uste. Talde bien desberdintasunez hitz egitea,
>> ezagutzea eta ulertzea oso onuragarria izango dela uste dut eta biltzeak
>> on egingo digula uste dut. Nik behintzat horrela ikusten dut.
>>
>> Osoitz
>> Izena lehen taldeari dagokio
>>
>> txopi
>> dabid-ek dioen bezala, topaketetan hezkuntzan dauden eta software
>> librearen alde dauden pertsona desberdinei ahotsa eman nahi izan genien
>> eta HeL-en partetik hitz egin zuen bakarra aurkezle/dinamizatzailea izan
>> zen, mikelgs. Librezaleren izenean ez zuen inork hitz egin, noski.
>> Edonola ere, hizlariek esan zituztenak HeL-en sintonia osoan joan zirela
>> uste dut, baina onartu behar dut oraindik ez dudala ordu 1eko bideo osoa
>> entzun, streamarekin arazo teknikoak izan genituelako eta ezagutza
>> teknikoak genituztenak ikaragarri lanpetuta egon ginelako saioa burutzen
>> zen bitartean.
>> etxondoko eta besteok: saioa amaitu eta batera planifikatuta geneukana
>> egiten saiatu ginen, bideoa hemen argitaratzea:
>> https://peertube.social/accounts/librezale/
>> Baina oso handia zen eta gaur arte ezin izan dugu igo eta igotakoan
>> moderazio moduan geratu da :-(
>> Librezale - Peertube.social
>> https://librezale.eus/
>> Beraz, instantzia horretako moderatzaile batek onartzeko zain gaude
>> (horregatik ez da esteka horretan bideorik ikusten).
>> HeL-eko talde eragilean gaudenok eskertuko genuke fedibertsoko konturen
>> bat daukazuenok kontu hori jarraitzea. Horrek agian moderatzaile batek
>> onartzeko zain dagoen bideoa (azkarrago) onartzen lagun dezake. Hori da
>> gure esperantza behintzat :-)
>> Eskerrik asko!
>> Fedibertsoko konturen batekin esan nahi dut Peertube instantzia horretan
>> edo beste edozeinetan kontua duzuenok, Mastodon kontua duzuenok
>> (adibidez mastodon.eus), Pixelfed eta abar, estekatu dudan kontu hori
>> jarraitzea ondo legokeela. Bigarren saioko bideoa ere bertara igotzea da
>> plana.
>> Eta orain lotara noa, oso egun luzea eta gogorra izan dut. Ondo izan
>> guztiok.
>>
>> mikelgs
>> Zuzenketatxo bat, une batean hizlari batek bai esan zuela "Hezkuntzan
>> Librezalen hau defendatzen dugu...". Eta niri gustatu zitzaidan,
>> hizlariak ere taldeko kide dela sentitzea eta adieraztea.
>> @jutta:riotchat.de se unió a la sala.
>> @ignacy:junta.pl salió de la sala.
>> @lapav:junta.pl salió de la sala.
>>
>> @txopi:sindominio.net
>> HeL topaketen 1. saioa ikusgai dago jada:
>> https://peertube.social/videos/watch/65aef436-14b0-4c42-885a-27586e065dc7
>> Hezkuntzan Librezale Topaketak: "Zelan bizi izan du konfinamendua
>> hezkuntza komunitateak"
>> **Hezkuntzan Librezale Topaketak: Zerbitzu publikoa, kode publikoa**
>> Lehen saioa: "Zelan bizi izan du konfinamendua hezkuntza komunitateak"
>> @bartosz:junta.pl salió de la sala.
>> @walter:bau-ha.us se unió a la sala.
>> Ayer
>>
>> @etxondoko Ander Elortondo (Telegram)
>> Aupa!
>> hartu dut denbora bideoa ikusteko.
>> Lehen momentutik, bideoa ikusteke, galdera bakarra egin nuen sortutako
>> liskarraren inguruan. Administrazioari laguntza HEL talderako edo
>> administrazioaren funtzioak betetzeko inplikazio eskatzen ote zuten
>> partaideek. Argi utz dezagun bata eta bestearen arteko aldea.
>>
>> Librezalek administrazio diru-laguntzetatik at jokatzea erabaki zuen,
>> honek askatasuna ekartzen baitu esparru guztietan.
>>
>> Erabat ezberdina da, administrazioaren ardurak direnak, administrazioari
>> eskatzea, Hezkuntza aurrera ateratzeko baliabideak nork jarri behar
>> ditu? Formazioa irakasleei nork eman behar die? Zein software nahi du
>> librezalek administrazioko zerbitzaritan eta nork ezarri eta mantendu
>> behar du?
>>
>> Nik urdubete horretan ez dut diru-laguntza hitza bera ere entzun. (ihes
>> egin bazait adierazi).
>> Ez dut inor HEL talderi bideratutako laguntzarik eskatzen entzun.
>>
>> Librezale filosofiaz bat datozen mezu asko izan dira. Gainera idazkari
>> bat, filosofia irakasle bat, aberasgarria benetan.
>> Zorionak lan hau bideratu duzuen guztiori.
>>
>> Osoitz (Telegram) badakizu izugarri mirezten zaitudala eta errespetatzen
>> ditudala diozunak, horregatik nire jarrera harriduratik abiatuta goiko
>> bereizketa argitzen saiatzea izan zen. Bideoa ikusita nik uste bigarren
>> kasuan gaudela, hots, librezalek hartutako erabakiekin inolako talkarik
>> ez dagoen kasuan. Edonola, egin dezagun asanblada, lasaitasunez hitz
>> egin, argudiatu eta erabaki.
>>
>> Izan libre izan euskaldun!
>>
>> Osoitz (Telegram)
>> Motxilarekin Asturiaseko herri txiki batean bokata jatera gelditu
>> nintzen. Gizon batek desbrozadorarekin kale bazterrean hazten ziren
>> belarrak mozten zituen. Begira, esan zidan, tabernan daude guztiak
>> Udalak hau egin beharko luke bestea egin beharko luke, egun batean beti
>> berdina entzuteaz nazkatu nintzen eta nik egitea erabaki nuen. Nire
>> kalea garbi dago.
>>
>> alex gabilondo (Telegram)
>> Nik ere bideo osoa ikusi arte ez naiz ausartu nire iritzia ematen baina,
>> behin ikusita, guztiz bat nator Anderrekin.
>> Bideoan ez dut ikusi Librezalerentzat diru-laguntza eskaerarik edo
>> antzekorik. Egia esateko administrazioari Hezkuntza laguntzeko eskaera
>> garbirik ere ez. Horiek datozen osteguneko saioan aterako dira, seguru.
>> Mahai ingurua Hezkuntzan Librezalek antolatu badu -mila esker horretan
>> ibili zaretenoi- ez dut uste parte hartzaileei  Hezkuntzan Librezalekoak
>> izatea, are gutxiago Librezalekoak izatea eta Librezalearen izenean hitz
>> egitea.
>> Hezkuntzan Librezale sortzea Librezaleko kide baten ideia izan zen eta
>> nik uste dut asmoa izan zela Librezalea taldeko komunikazioa ez betetzea
>> hezkuntza inguruko gaiez.
>> Denborak demostratu du ideia ona izan zela: hezkuntza arloko librezaleak
>> ez ditugu aspertu eta hezkuntza arloko zenbait jende librezaleko
>> eztabaida tekniko-linguistikoak ez ditu maite.
>> Nik uste dut Hezkuntza Librezalek Librezale berari jende, ideia eta
>> ekarpen interesgarriak egin dizkiola.
>> Begiratu besterik ez dago azken urtean hezkuntzarekin lotutako zenbat
>> itzulpen osatu diren. Azkena Iñigok Kdenlive-rekin egindako lana.
>> Hezkuntzan Librezaleko partaideek lan handia egin dute software librea
>> zabaltzen Durangoko Azokan, Errekaleorreko jardunaldian, SLren aldeko
>> komunikatuarako sinadurak biltzen, aplikazioak euskaratzen... eta,
>> zergatik ez, administrazioei software librea erabiltzeko eta
>> ikasle-irakasleen datuen pribatutasuna bermatzea eskatzen. Egin eta
>> eragin. Batak ez du bestea kentzen.
>>
>> HONEN ONDOREN Assar-ek bidali zuen mezua, dagoeneko posta zerrenda
>> honetan jarri dena.
>> _______________________________________________
>> Librezale mailing list
>> Librezale at librezale.eus
>> https://librezale.eus/cgi-bin/mailman/listinfo/librezale
>>
>
> _______________________________________________
> Librezale mailing listLibrezale at librezale.eushttps://librezale.eus/cgi-bin/mailman/listinfo/librezale
>
> _______________________________________________
> Librezale mailing list
> Librezale at librezale.eus
> https://librezale.eus/cgi-bin/mailman/listinfo/librezale
>
-------------- next part --------------
An HTML attachment was scrubbed...
URL: <http://librezale.eus/pipermail/librezale/attachments/20200616/fc658034/attachment-0001.html>