Firefox 14 kalean da

2012-07-18 / , ,

Ohiko sei astetik behineko eguneraketa-zikloaren barruan dator Firefox 14, konponketa txiki eta eginbide berriekin.

Firefox

Bertsio honetan nabarmentzekoak:

  • Helbide-barran URLak automatikoki osatzeko modua gehitu da.
  • Google-ren bilaketak HTTPS protokolo seguruaren bidez egiten dira orain. Helbide-barra, bilaketa-barra edo eskuin-klika eginez agertzen den laster-menua erabiliz egindako bilaketak zifratu egingo dira, erabiltzailearen pribatutasuna hobetuz.
  • Aukeran, pluginak euren gainean klik egitean soilik kargatzeko modua gehitu da. Hau erabilgarria da lehenespenez Flash eta antzerako pluginak desgaitzeko.
  • Uneko gunearen identitatea bistaratzeko modua ere eguneratu da.

Xehetasun gehiago bertsio-oharretan aurki daitezke.

Bertsio berrira eguneratzeko, egin klik Laguntza menuko Firefox(i) buruz aukeran eta bistaratzen den leihoan sakatu Aplikatu eguneraketa (hori agertzen ez bada, sakatu Bilatu eguneraketak). Oraindik ez badaukazu instalatuta, deskargatu Firefox 14 euskaraz:

Thunderbird

Aldi berean Thunderbird 14 ere kaleratu da, segurtasun- eta egonkortasun-konponketekin.

Iruzkinak eta ping-ak itxita daude.

«
»