Azkenean! IZENPE ziurtagiria Firefoxen integratuta

2011-08-18 / firefox, izenpe, mozilla, ssl

Beharbada Firefox 6ren nobedaderik interesgarriena aipatzea ahaztu zitzaigun ze, gaur Bugzillako jakinarazpen bat jaso arte benetan ez gara konturatu: kostata baina IZENPE ziurtagiria dagoeneko Firefoxen integratuta dago!

Honek esan nahi du hemendik aurrera IZENPEren ziurtagiria darabilten webguneek ez dutela segurtasun-salbuespenik gehitzeko eskatuko eta SSL bidez zuzenean sartu ahal izango garela webgune hauetara konexio zifratua eta egiaztatua erabiliz.

IZENPE Firefoxen

Buga edo eskaera zabaldu eta ia bost urte ondoren etorri da hau. Hori bai, Iñigo Barreirak txaloak merezi ditu izandako pazientziagatik, prozesu benetan makala baita ziurtagiri-autoritateak nabigatzailean gehitzea, bai behintzat Mozillaren politikak eta bestelako eskakizunak bete behar direla kontuan hartuta.

Firefoxen ez ezik, hemendik aurrera gainontzeko Mozilla produktuek ere ezagutuko dute IZENPE ziurtagiri-autoritatea, hala nola Thunderbird edo SeaMonkeyk.

IZENPE martxan dago baina halere hegoaldeko herritarroi eragiten digun beste erro-ziurtagiri bat ez dago Mozilla aplikazioetan integratuta oraindik: FNMTren (Fábrica Nacional de Moneda y Timbre) ziurtagiria, hain zuzen. Ea azken honek ere ez dituen beste bost urte behar!

Iruzkinak eta ping-ak itxita daude.

6 iruzkin

• #1 assar — 2011/08/18 @ 23:44

  

  Aupa! Primeran! Orain laneko webmailera sartzen naizenean, ez dut ziurtagiria onartzeko prozesu luze hura jasan beharko.

• #2 erral — 2011/08/19 @ 0:26

  

  Oker ez banago Firefoxen 4 bertsioan etorri zen lehengoz Izenperen ziurtagiria. Orain etorriko zena EV ziurragirien erro ziurtagiria izango zen. Hor Mozilaren politiletan ez zegoen beste arazo bat zegoen horregayik atzeratu da hilabete batzuk bestetik.

• #3 Julen Ruiz Aizpuru — 2011/08/19 @ 10:48

  

  Hala da erral, Firefox 4rako erro ziurtagiria gehitu zen eta orain Firefox 6rekin datorrena EV ziurtagiriaren erro ziurtagiria da. Beharbada zuzenagoa da esatea orain Izenpe erabat integratuta dagoela.

• #4 etxondo — 2011/08/29 @ 11:28

  

  Badira hiru urte Joanan idatzitakoak jarraituz firefox erabiliz izenpeko txartelaz sinatzen duguna.
  https://docs.google.com/Doc?id=dfzhpzd8_38sdkmb9ck&hl=en&pli=1

  http://diariolinux.com/2009/08/01/tarjeta-ona-izenpe-y-firefox-%C2%A1en-windows/

  edonola Thunderbirz 6.0 daukat eta kontuko ezarpenetan segurtasunera noa sinadura digitala ezartzeko eta mezu hau jasotzen dut: “Ziurtagiri kudeatzaileak ezin du baliozko ziurtagiri bat aurkitu zure mezuak sinatzeko.”

  Lehen izenpeko txartelaz sinatutako mezuak jatorri ez fidagarria zutela esaten zuten eta ea orain horrelako mezu “zatarra” alboratua zegoen frogatu nahi nuen. (mezu hori jasoz gero, hobe da digitalki ez sinatzea)

  • #5 etxondo — 2011/09/07 @ 9:29

    

    Badirudi eposta mezuak sinatzeko txartelak gehigarri bat izan behar duela eta izenpeko txartel guztiek ez dutela gehigarri hori. Izenpeko teknikarien zain nago jakiteko zein txartel behar den postak sinatuak bidaltzeko. (Otsaileko iraungitze data du orain dudanak eta berriztekotan hobeagora noski)

    http://www.izenpe.com/s15-12020/es/contenidos/informacion/online_cursos/es_o_cursos/adjuntos/GUIA_LINUX_UBUNTU.pdf

• #6 etxondo — 2011/09/15 @ 13:30

  

  IZENPEtik jaso dut postak txartelaz sinatzeko zeintzuk diren betekizunak. Sinadura baliagarria izan dadin sinatzailearen txartelak bidaltzen ari den eposta helbidea ere ziurtatu behar du, honela, txartelak norbera identifikatzeaz gain, norberaren eposta zein den izan behar du.

  Hori orain txartel korporatiboetan ematen da. Zu zeu enpresa honen izenean eta helbide elektroniko honetatik idazten duzu.

  Inoiz onartuko ote dira identifikazio txartel elektronikoak (eDNI edo IZENPE) norberaren helbide elektronikoaz?