[Librezale] Firefox emaitzak gaztelaniaz

[mikelgs a bildua ni.eus]

Kaixo Naia,

Mikel naiz, Librezale posta-zerrendan apuntatuta dagoen beste pertsona 
bat. Badaezpada ere ikertu dezazun https://www.lehenhitza.eus/ webgunea 
badago, horrelako laguntza emateko sortua uste dut.

Bestalde, hemen galdetzeaz gain dinamikoagoa izan daiteke telegram gela 
handiren batean galdetzea (suposatzen dut ez duzula arazorik izango 
aplikazio hori mugikorrean instalatu eta bilatzeko). Bi gela hauek 
gomendatzen dizkizut laguntza eskatzeko:

"Librezale" gela bera.
"Software Libre Zalantzak" izeneko gela.

Suposatzen dut ulertu duzula Porruk egindako bereizketa (nabigatzailea 
eta bilatzailea).

Nik egia esan ez dakit bilatzailearen emaitzak nola bihurtu 
euskaldunagoak/gertukoagoak. Duckduckgo erabiltzen dut baina inongo 
konfiguraziorik egin gabe (eta portugesezko emaitzak lehenengo, 
batzuetan...).

Zorte on!!

Mikelgs

2024-10-05 18:43 egunean, porrumentzio--- , Librezale-en bidez-(e)k 
idatzi du:
> Kaixo, Naia:
> 
> Firefox ez da bere bilatzaile bat, nabigatzaile bat baizik. Horrek ze
> esan nahi du? Nolabait azaltzearren, internet itsasoa bada, Firefox
> itsasontzia da, eta bilatzailea, mapa.
> Hortaz, bilaketen emaitzak euskaraz agertzeko, euskaraz bilatzeko gai
> den bilatzaile bat erabili behar duzue, edo erabiltzen duzuen
> bilatzaileko (Google, DuckDuckGo, Ecosia...) ezarpenetan begiratu, ea
> halakorik dagoen.
> 
> Existitu izan dira euskaraz bilatzen zuten bilatzaileak, baina, edo
> desagertu egin dira, edo nik ez dakit zeintzuk diren. Ea beste
> norbaitek horretan laguntzea duen.
> 
> Dena dela, nik, DuckDuckGo erabili eta lurraldeari (hizkuntzari)
> jaramonik egin gabe bilatzeko eskatuta, errez askoan jasotzen ditut
> euskarazko emaitzak lehenengo. Probatu ezazue hori, nahi baduzue.
> 
> Azkenik, irudian agertzen den Firefoxeko ezarpenaz, webgune batek
> euskara eskaintzen badu (alegia, webgunea hainbat hizkuntzatara itzuli
> badago), zuzenean euskarazko bertsioa kargatuko zaizue. Baina ez da
> bilaketetarako, hori bilatzailean konfiguratu beharko duzue.
> 
> Bide batez, pozten naiz Librezaleri idatzi izanaz :)
> 
> Ea denon artean hau ondo argitzea dugun eta ondo segi
> porru, Librezaleko kide bat
> Porru | RiseUp
> _______________________________________________
> Librezale mailing list
> Librezale a bildua librezale.eus
> https://librezale.eus/cgi-bin/mailman/listinfo/librezale