[Librezale] Firefox emaitzak gaztelaniaz

[gorkaazkarate a bildua ni.eus]

2024-10-02 11:32 egunean, Naia Odriozola Goikolea , Librezale-en 
bidez-(e)k idatzi du:
> Egun on:
> 
> Firefox euskaraz konfiguratuta dugun arren, bilaketaren bat egiten
> dugunean, besteak beste wikipedian edota udalen webguneetan, agertzen
> zaizkigun lehen emaitzak gaztelaniaz dira (gaztelaniazko wikipedia,
> udalen gaztelaniazko bertsioa…). Horren arrazoia zein izan daiteke?
> 
> Guk honela dugu konfiguratuta, baina ez dakigu beste zerbait egin
> behar dugun.
> 
> Kontu hau argitzerik bazenute, eskertuko genizueke.
> 
> Naia Odriozola Goikolea
> 
> Euskara teknikaria
> 
> Herriko plaza z/g
> 
> (48340) Amorebieta-Etxano
> 
> Tel: 94 630 00 02 / Luz: 1301
> 
> www.amorebieta-etxano.eus [1]
> 
> 
> 
> Links:
> ------
> [1] https://amorebieta-etxano.eus/
> _______________________________________________
> Librezale mailing list
> Librezale a bildua librezale.eus
> https://librezale.eus/cgi-bin/mailman/listinfo/librezale

Kaixo Naia,

Librezale talde honetan behin baino gehiagotan agertu den kezka 
plazaratu duzu: nabigatzailea[1] euskaraz konfiguratzea ez da nahikoa, 
gero, bilaketetan, euskara lehenesteko.

Aukera hona da Firefox euskaraz konfiguratzea. Talde honetako gehienok 
egiten dugu. Gainera, Firefoxerako gehigarri bat sortu zuten, bere 
garaian, webgune elebidun edo eleaniztunetan euskara hobesteko; 
(Firefoxeko goiko menuan Tresnak > Gehigarriak eta itxurak > bilatu 
'Lehen hitza euskaraz'): 
https://addons.mozilla.org/eu/firefox/search/?q=lehen%20hitza%20euskaraz

Baina 'Lehen hitza euskaraz' gehigarri hori instalatuta ere, 
bilatzaileek[2], gehienetan, webguneen gaztelaniazko bertsioak jarriko 
dituzte euskarazko bertsioen gainetik.

Bilatzaileak[2], gaur egun eta oraingoz, ezin dira konfiguratu euskarari 
lehentasun osoa emateko. Google biltzaileak euskarazko interfazea 
onartzen du[3], baina horrek, gero, ez dio euskarari bilaketetan 
lehentasun osoa emango. (Google Inc. edo Alphabet  enpresak daukan 
politikagatik, Librezale taldeko askok saihesten dugu liderra den 
bilatzaile hori).

Bilatzaileek algoritmo konplikatua dute eta arreta ematen diote 
erabiltzaileak berak aurretik egindako bilaketei, inguruko komunitateak 
aurretik egindako bilaketei... Esperimentua egin izan dugu inoiz, eta 
nabigatzaile eta bilatzaile berbera erabilita ere, erabiltzaile guztiei 
ez die bilatzaileak emaitza modu berean erakutsiko. Erabiltzaile 
bakoitzak eta hiztun komunitateak bilatzaileak "hezi" egiten ditugu.

[1] https://eu.wikipedia.org/wiki/Web_nabigatzaile
[2] https://eu.wikipedia.org/wiki/Bilaketa_motor#Web_bilatzaile_batzuk
[3] https://eu.wikipedia.org/wiki/Google#Interfazea_euskaraz