[Librezale] Agurra eta labur.eus

[Julen Ruiz Aizpuru]

Aupa Manex,

Manex Garaio<manex at domeinuak.eus> igorleak hau idatzi zuen (2016(e)ko
abenduak 7 11:25):
> Kaixo denoi!
>
> Lehenago egin beharreko zerbait izan arren, iritsi da zerrendan harpidetzeko
> eguna... Manex naiz, eta PuntuEUS Fundazioan arlo teknikoaz arduratzen naiz.
> Duela urte batzuk ere zerrendan sartu nintzen baina askorik parte hartu ez
> nuenez, ea oraingoan gehiago laguntzerik dudan! ;-)

Ongi etorri plazara!

> Artxiboan ikusi dut aurreko astean labur.eus-en berri eman zizuela Joxek,
> Firefox-erako balio duen gehigarri bat garatzea proposatzearekin bat. Argi
> dago kosta ahala kosta ttiki.com-ekin gertatutakoa ezin dela errepikatu, eta
> gu arduratuko gara Dinahosting-ekin horretaz hitz egiteaz, beraiek
> zerbitzuaren mantenua etengo balute ere beste eragileren bati kudeatzen
> jarraitzeko aukera emateko (PuntuEUS Fundazioa bera, edota prest legokeen
> beste edonor). Eta noski, gure aldetik arazorik ez gehigarria garatzeko,
> guztiz kontrakoa.

Eskerrik asko Manex, hau lasaigarria da eta berme hau izanik
zalantzarik gabe erabili ahal izango dugu laburtzailea.


Julen.