[Librezale] Sherpa Summit 2014

[Julen Ruiz Aizpuru]

Aupa Osoitz, eskerrik asko esperientzia elkarbanatzeagatik!

Osoitz E<oelkoro a bildua gmail.com> igorleak hau idatzi zuen (2014(e)ko
maiatzak 6 22:03):
>
> Aspaldi hemen egindako hausnarketa bat burura ekarri dit berriro Summit
> honek, gero eta gehiago hodeian dauden aplikazio itxiak gure bizitza
> betetzen doazela, hori aurkezten zuten bertan zeuden stand gehienak eta ez
> dut Euskara inon ikusi. Librezaleren estrategiaren eraginkortasuna mugatua
> dela bagenekien ordea.

Errealitatea da, bai. Esan liteke naturala ere badela: sare bidezko
konektibitatea ikaragarri hobetu da azken urteotan (batez ere
lehenengo munduan) eta kontsumitzaileari begirako softwarearen
errentabilitatea produktuetan egotetik datuetara pasa da.

Euskaratze-lanekin lotuz, honen guztiaren isla gure Pootle
zerbitzarian ere ikus daitekeela esan liteke. Software-proiektuek
garai batean posta elektroniko bidez edo CVS/SVN bidez kudeatzen
zituzten itzulpen-fitxategiak (tira, proiektu batzuk bere horretan
jarraitzen dute); gaur egun zeinahi proiektuk erabiltzen du web
bidezko plataformaren bat. Gure zerbitzariaren erabilgarritasuna
zalantzan dago; begiratu azken jardunaren data bestela.

Testuinguru horretan zailagoa da terminologia eta itzulpen-memoriak
partekatzea eta hizkuntzaren homogeneotasuna kaltetu egiten da.
Adibide gisa, Transifex erabiltzen duenak euskara batuaren aurkako
trollen batek-edo egindako gomendioak jasoko ditu itzulpen-memoriatik.
Eta hizkuntza-irizpe/-maila dexenterik edo eskarmenturik izan ezean,
halako gomendioak aintzat hartzeko arrisku handia dago.

> Esperientzia honetatik ateratako alderik positiboena Mozilla Hispanoko
> lagunekin erlazioa mantentzea litzateke. Willyk aipatu digu Mozilla
> Hispanoan badutela Firefox OS sistema eragilearen ROM ez ofizialak
> plazaratzeko asmoa, eta ROM hauetan Euskara sartzea ez litzatekela arazoa.
> Baita CyanogenMod 4 onartzen duten gailuentzat ROMak sortzea teorikoki
> posiblea litzatekeela.

ROMen asuntoa ondo dago hackeatu eta trasteatzeko, baina azken
erabiltzaileari begira ofizializazioa da bide bakarra. Honekin batera,
Firefox OSen hizkuntza-paketeak izateko aukerak ate guztiak irekiko
lizkioke edozein hizkuntzari.

> Bestalde, pare bat ikastetxe Willy hitzaldi bat emateko Bilboratzeko asmoa
> azaldu dute, ondo antolatuz gero Firefox OS tailer bat emateko ere liatu
> genezake bidai berean, bera prest agertu da egun pare batez etortzeko.

Ondo jaten emanez gero ez dut uste problema handirik izango duenik
EHra inguratzeko!


Julen.