[Librezale] QGIS aplikazioaren itzulpena

[Asier Sarasua Garmendia]

ig., 2013.eko mairen 12a 14:57(e)an, Ander Elortondo(e)k idatzi zuen:
> Aupa!
>
> Guk gvSIG erabiltzen dugu.
>
> [informazio gehigarria ON]
>
> Honez gain, gvSIG gainean flota kontrol, hondakin-bilketa kontrol eta 
> intzidentzia kudeaketa zein komunikazio sistema bat programatzen ari 
> gara. GPS, GPRS komunikazioak, RFID zein barra kode irakurketak, 
> email, SMS eta tlfno dei automatikoak...
Aupa Ander,

Hurrengoak ere agian ez du Librezalerekin zerikusi handirik, baina beno, 
hemen doa erantzuna zure mezuari.

Guk aspalditik erabili izan dugu (10 urte inguru?) gvSIG lanean bigarren 
GIS modura (gure GIS nagusia ArcGIS da). Ez hori bakarrik, hastapenetan 
gvSIGen aldeko propaganda ere egin genuen adibidez Municheko Udalean 
erabil zezaten, beraiekin lankidetza proiektu bat genuenean.

Begira, beraien splash screen lehiaketa batean ere parte hartu nuen:
http://outreach.gvsig.org/spread/gvsig-egunsentia

Hala ere, beti izan ditugu arazoak aplikazio horrekin guk egiten dugun 
lanean, ez zuk aipatzen dituzun funtzio aurreratu horietan, baizik eta 
oinarrizko funtzioetan, guk behar ditugunak: mapak editatu eta sortu, 
eta analisi geografikoak egin.

Askotan oinarrizko informazioa izorratu digu gvSIGek eta berriro hasi 
behar izan dugu hasieratik. Guk erabili ditugun bertsioak ez dira batere 
egonkorrak izan, ez dakit Javan oinarrituta dagoelako den edo zer. Gure 
teknikariak ez zeuden batere pozik gvSIGekin.

Bestalde, nekatu naiz 2.0 bertsioa noiz argitaratuko zuten itxaroten ea 
hobeto zihoan ikusteko, urteak egon dira geldirik. Horretan eragin 
nabarmena izan du, nire ustez, Valentziako krisiaren ondorioz 
Valentziako Generalitat-ak diru-iturria itxi izana, beraiek izan 
baitziren aplikazio horren sortzaileak eta bultzatzaile nagusiak. Azken 
urteetan beste diru iturri batzuk bilatu behar izan dituzte, adibidez 
elkarte bat eta fundazio bat sortu, ze ez da ahaztu behar garatzaile 
nagusiak Valentziako enpresa multzo bat izan zela jatorriz (IVER, 
Prodevelop...), eta uste dut gaur egun ere badela.

Pasa den astean 20 orduko GIS ikastaro bat eman nuen irakasle modura 
QGIS erabilita, eta oso pozik utzi ninduen aplikazioak. Lehen ere 
erabilitakoa nintzen QGIS, baina ikastaro honetan bere potentzia osoa 
ikusi dut. Ikasleetako batzuk ere, lehen gvSIG erabilitakoak, berehala 
esan didate beraien lanpostuetatik gvSIG kentzeko eta QGIS instalatzeko.

Nik 17 urte daramatzat GIS teknologia erabiltzen, baina badirudi 
Gasteizko Udalean azken 2 urteetan izan dela teknikari guztiak GISaren 
abantailez konturatu direna, eta denek nahi dute GISa ikasi. Horregatik 
ikastaroarena. Noski, mundu guztiak nahi du ArcGIS[1], baina Udalak ez 
ditu horren lizentziak erosiko, eta horregatik ari da GIS libreak 
instalatzen. Aurreko urteetan gvSIG instalatu izan da, baina azken bi 
urteetan QGIS instalatu da eta uste dut hortik joango dela bidea. 
Horregatik niretzat garrantzitsua da QGIS euskaraz edukitzea.

Bestalde, ez dakienarentzat, gvSIG jadanik badago euskaraz, Arabako Foru 
Aldundiak ordaindu baitzuen euskaratzea bere garaian. Gaur egun ez dakit 
nola egongo den euskarazko bertsio hori, baina beno, euskaraz badago 
jadanik.

Asier.

[1]http://en.wikipedia.org/wiki/ArcGIS