[Librezale] Curlew euskaratzeko

[Julen Ruiz Aizpuru]

al., 2013.eko uztren 15a 22:21(e)an, Txopi(e)k idatzi zuen:
>
> 6. PO fitxategia Pootle-etik GitHub-era
>
> Hau ez dakit zehatz nola egin beharko duzun, baina GitHub-en
> erabiltzaile bat beharko duzu eta Curlew proiektuko kidea egitea eskatu,
> PO fitxategia zeure kabuz igo ahal izateko.

Ez, hori ez da GitHub-eko lan-fluxua. Proiektuaren zure 'fork'a egin 
beharko duzu, zure biltegira bidali aldaketak eta bertatik Pull Request 
bat bidali jatorrizko biltegira.

Noski, hau guztia txinoa da garatzaile ez den inorrentzat, beraz 
gomendatuko nizuke garatzaileekin posta elektronikoz komunikatzean, 
lokalizazioa kanal horretatik ere bidal dezakezun galdetzea. Proiektu 
txikia dela kontuan hartuta, ez luke arazorik behar.

> Proiektu nagusira (GitHub-era) zure euskaraketa bidali aurretik, bertan
> dagoen bertsioa berdina dela ziurtatu. Gertatu liteke euskaraketa egiten
> ari zinen bitartean bertsio berri bat ateratzea eta orduan bertsio
> berria euskaratu beharko zenuke. Nik horretarako GNU gettext-en msgmerge
> erabiltzen dut, baina agian egongo dira modu grafikoak hori egiteko.
> Hori gertatuz gero, galdetu, ados?

Virtaal editorea erabiliz gero, adibidez, Fitxategia → Eguneratu 
txantiloira menu-aukerak horixe bera burutzen du. Poedit-ek ere aukera 
hori baduela uste dut.

Julen.