[Librezale] software librearen inguruan

[Julen]

Aupa Jose Mari,

Zuzenean gure posta-zerrendara idatzi duzu, bertan ematen da gure 
taldearen jardun nagusia beraz toki egokia da bai.

az., 2009.eko aberen 23a 09:02(e)an, JAUREGI, Josemari(e)k idatzi zuen:
> Kaixo:
>
>
>
> Errenteriako euskara sailetik idazten ari natzaizue. Ez dakit helbide
> egokira idazten ari naizen ere. Gauza da Sustatun ikusi nuela Arrasaten
> "Ubuntu party" izeneko zerbait egin zela eta herritarrak euskaraz dagoen
> software librea jartzera animatzeko jaia izan zela. Oso gauza
> interesgarria iruditu zitzaidan.

Arrasateko "install party"a (hau da, ordenagailua eraman eta sistema 
eragile librea instalatzeko bilkura modukoa), nik dakidala Arrasateko 
Gazte Bulegoak antolatu zuen, eta taldeko hainbaten laguntza izan zuen 
ekimenak.

Honetan interesa izanez gero, onena Gazte Bulegoko Patxi 
Gaztelumendirekin harremanetan jartzea duzu; zerrenda honetan bertan ere 
badago beraz mezua irakurriko du.

> Nik, egia esateko, ez dakit gauza handirik gai honen inguruan, baina
> Ordiziako Ikastolako jarduera eta zuek diozuena irakurrita, Errenterian
> ere horrelako jai bat egiteko aukera aztertu nahi nuke (ez dakit diru
> baliabide egokirik izango dudan ere). Zuek informaziorik ematerik bai?

Ordiziakoa diozunean ez dakit oso ondo zertaz ari zaren, mapak egiteko 
ekitaldiari buruz akaso? Mapena Tagzaniako kideek antolatzen dituzte 
tokian tokiko talde/interesatuekin elkarlanean.

Lagungarri zaizulakoan,
Julen.