[Librezale] Sustatuk erantzun du

[Osoitz]

> Portzierto, irakurri al duzue nonbait Sustatu-n berriak argitaratu daitezen
> jarraitu behar duten irizpiderik? Edo zein motatako artikuluak ez diren
> publikatuko?

http://www.sustatu.com/arauak.html

Artikuluak idazteko arauak

Sustatun argitaratutako artikuluak itxura desberdinekoak izan daitezke. 
Adibidez:

     * Informazio hutsa. Kontakizun objetibo bat, besterik gabe. Jakin 
duzun albiste bat.
     * Erreferentziak. Beste nonbait irakurri duzunaren erreferentzia 
eginez. Kasu honetan, ez kopiatu beste medio bateko testua zure 
artikuluan. Ahal dela, idatz ezazu artikulu orijinalaren Interneteko 
lotura, eta hari buruz komentatu behar duzuna komentatu lasai. Beste 
hedabide euskaldunekiko errespetua erakutsi.
     * Iritzia. Zeure hausnarketa pertsonalak, kritikak, irakurleei 
zuzendutako galderak. Beti ere, errespetuz idatzi.
     * Iragarpenak. Propaganda edo iragarki itxurako mezuak onartzen 
dira. Lan eskaintza bat duzuela enpresan, produktu bat kaleratzen 
duzuela... Euskal profesionalen eta enpresen promozioaren alde gaude, 
baina, mesedez, mezu horietan argi adierazita geratu dadila promozio 
asmoarekin idatzi duzuela. Erakundeen prentsa-oharrak ere kategoria 
honetan sar daitezke.
     * Erantzunak. Artikulu guztiei erantzuna emateko aukera dago. 
Informazio osagarria baldin baduzu, iritzi pertsonalen bat, zuzendu 
beharreko zerbait dagoela uste baduzu... Errespetuz, beti ere.

Moderazio irizpideak

Sustatu-ra artikuluak idazteko, albistearen bidaltzaileak bere burua 
identifikatu behar du. Zeure e-posta helbidea idatzi behar duzu, nahiz 
eta gero ez den publiko egingo. Besterik gabe, jatorri ez oso ziur edo 
iluneko mezuak identifikatzeko balioko digu horrek.

Albisteak moderatzaileek berrikusiko dituzte. Onartu aurretik, testua 
zuzendu edo egokitu dezake era berean. Testua ez bada Sustatuko gai eta 
helburuetara egokitzen, ez da onartuko. Irakurleek edo beste batzuek 
testua errespetu gutxikoa dela pentsatzeko arriskua badago ere, ez da 
onartuko artikulua. Moderatzaileak ez daude behartuta erabaki hauen 
inguruan inori esplikaziorik ematera.

Printzipioz, albisteek izan ditzaketen erantzun eta informazio 
osagarriak moderatu gabe igaroko dira. Espero dugu irakurleek 
zentzunarekin erabiliko dutela aukera hau, errespetuzko iritzi trukea 
eta benetako adierazpen askatasuna posible izan dadin.

Goiena Komunikazio Zerbitzuek eta Code & Syntax-ek ez dute beren gain 
hartzen albistegi honetan partikularrek adierazitako esanen eta iritzien 
erantzukizunik.