Clementine euskaraz

Librezalek Clementine audio erreproduzigailua euskaratu du eta beraz, hurrengo bertsioa euskaraz erabili ahal izango da, osorik. Erreproduzigailu hau Amarok 1.4-ean dago oinarriturik eta musika erreproduzitzeko era erraz eta azkarra izatea du helburu. Plataforma-anitza den aldetik, posible da inolako arazo gabe Unix-motako sistema eragileetan (Mac OS X barne) eta Microsoft Windows-en erabiltzea.

Musika bilduma era erraz batean kudeatzeaz gain, gailu desberdinak kontrolatu daitezke bertatik, hala nola MP3 erreproduzigailuak edo iPod-ak. Sareko jarioak ere entzuteko aukera ematen du bai irratiak, baita Spotify edo Grooveshark moduko zerbitzuetako musika, ordainpeko kontua izanez gero hauetan. Ezaugarrien zerrenda luzeagoa aurkitu daiteke Clementine-ren webgunean.

Clementine-ren lehen abioa, euskaraz

 

Hurrengo bertsioari itxaron nahi ez duenak Clementine euskaraz erabiltzeko, eskuragarri du itzulpenak dituen PO fitxategia Transifex webgunean.

On egin!

2 iruzkin

Utzi erantzuna

XHTML: Etiketa hauek erabil ditzakezu: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>