[Librezale] irailaren 11n egingo den bilkuraren gonbita eskertuz

[librezale a bildua yahoo.com]

Idurre Eskisabel hori, Euskalgintzaren Kontseiluko idazkari nagusi hori:

Ezer baino lehen, mila esker irailaren 11n egingo den 
bilkuraren berri emateagatik, antolatzeagatik eta Librezale taldea 
gonbidatzeagatik.

Librezale taldea duela hogei urte bat urte sortu 
zen[1].  Hasieratik euskalgintzarekiko konpromisoa izan duen taldea da. 
Boluntarioz osatuta dago eta ez dago zuzendaritza talderik edo taldeak 
izendaturiko ordezkaririk[2]. Batzarrak antolatzen direnean, modu 
asanblearioan hartzen dira erabakiak. Boluntarioek egiten duten lana, 
gehien bat, software librea euskarara itzultzea izaten da. Izan ere, 
Librezale taldeko kideok sustatzen dugu, ahal dugun neurrian, software 
librea eta euskalduna, estandar irekiak (hardwarea, softwarea, 
protokoloak...), lizentzia libreak dituzten edukiak, burujabetza 
teknologikoa, zerbitzu federatuak (eta ez nagusitasun monopolistikoa 
bilatzen duten zerbitzu zentralizatuak)...[2]
Gonbitea aztertu eta joatea garrantzitsua iruditu zaigun arren, 
momentuz inork ezin du joan irailaren 11ko saio horretara, beraz ezezkoa 
erantzuteko bidaltzen dizuegu posta mezu hau. Gutako batek eguna libratzea 
lortuko balu, joan aurretik emailez abisatuko genizueke. Ea hala den!
Joatekotan, honelako proposamenak egingo genituzke: proposatuko 
genuke Euskalgintza Kontseiluko talde eta erakunde guztiei, bereziki 
zuzendaritza taldekoei[3], software libre eta euskalduna hobestea, 
formatu ireki eta estandarrak hobestea; sare sozialetan, esate 
baterako[4]. (Publizitatetik bizi diren sare sozial pribatiboetan 
askotan detektatu da, besteak beste, euskararen kalterako izan 
daitezkeen algoritmoak).
Agian gure antzeko ikuspegiak dituen 'Hezkuntzan 
Librezale' taldean boluntarioren bat agertuko da, (ez dakigu gonbidatu 
dituzuen).[5]

Beraz, eta laburbilduz, mila esker gonbitagatik eta ea 
hurrengo batean ere gutaz gogoratzen zareten eta boluntarioren bat 
bidaltzen dugun.


(Sinatzen du):
Librezale taldeak.



[1] 
https://librezale.eus/mediawiki//index.php?search=Librezaleren+bilerak&title=Berezi%3ABilatu&go=Joan
[2] https://librezale.eus/wiki/Zer_da_Librezale%3F
[3] https://kontseilua.eus/nor-gara/zuzendaritza/
[4] 
https://teknopata.eus/2023/07/sare-sozialak-2023an-10-galdera-errazetan/
[5] Guri buruz – Hezkuntzan Librezale








-------------- hurrengo zatia --------------
Erantsitako HTML dokumentu bat ezabatu egin da...
URL: <http://librezale.eus/pipermail/librezale/attachments/20240901/f0d5da24/attachment.htm>