[Librezale] Nextcloud itzulpenaz

[Txopi]

24/4/29 08:27(e)an, Mikel , Librezale-en bidez igorleak idatzi zuen:
> Kaixo Gontzal eta Librezale taldeko guztioi:
> 
> Gai hau etenda zegoela eta ahazteko asmoa nuen, baina espero ez nuen 
> email bat jaso nuen ostiralean. Hemen itsasten dizuet, Librebit 
> enpresako Carlosek bidali zidana:
[...]
> Beraz, posta-zerrenda honetan bere emaila partekatuko nizuela esan nion 
> eta aste honetan zehar erantzungo diodala.
[...]

Kaixo:

Nik berdina pentsatzen jarraitzen dut. Administrazio publikoaren zikloak 
  software librearen oso bestelakoak dira. Une batean dirua jarri nahi 
dutela erabakitzen dute baina gero ez dute gaiaren jarraipenik egiten, 
ez dakite bertsio berririk aterako den, ez dute euskaratutakoa 
mantentzeko konpromisorik hartzen... Mikelek bere email batean azaldu 
zituen, beraz ez naiz errepikatuko.

Badaude pertsonak eta enpresak komunitatetik kanpoko bultzada horiek 
baliatzen dituztenak. Ondo, bakoitza nahi duena egiteko librea da, nola 
ez. Librezale bultzada horietatik kanpo mantendu da orain arte, nahita; 
agian interes ekonomikoetatik urrunduta aritzeak lagundu gaitu, beste 
zenbaitek ez bezala, 20 urte baino gehiagoz irauten.

Jakina da Librezaleko kideok proiektuak mantentzen saiatzen garela, 
jarraipena ematen eta ezin badugu lekukoa pasatzen eta abar. Librezale 
ezagutzen duten askok eta askok badakite gure ezaugarria dela. Euskaldun 
eta ez euskaldun guzti horiek, NextCloud euskaratuko dugula edo berau 
euskaratzen lagunduko dugula jakitean, beste proiektu batzuk euskaratzen 
ditugun moduan egingo dugula pentsatuko dute, komunitatea erabiliz eta 
gero euskaratuta mantentzeko indarrarekin. Proiektu hau ez da hala 
izango. Salbuespena egingo dugu? Zeintzuk dira norabide aldaketa hori 
justifikatzen duten arrazoiak?

Ondo izan,
Txopi.

OHARRA: Game Erauntsian era guztietako ekimenak aurrera ateratzeko 
pertsona bat behar dute (oraindik ez da aurkezteko epe-muga heldu!):
https://gamerauntsia.eus/bloga/lan-eskaintza-game-erauntsia-2024/