[Librezale] Euskararen aholku batzordeko mezua

[gorkaazkarate a bildua ni.eus]

Kaixo,

niri ere asko gustatu zaizkit Alex Gabilondoren 3 proposamenak. Nago 
Librezale taldearen inguruko ia guztiok + 1 egoteko moduko proposamenak 
direla.

Adituaren rolean horrelako proposamenak defendatzea, ados egonez gero, 
Anderrentzat lana... (Boluntario ateratzeagatik ;-)

Baina adituek proposatu, eta politikariek ebatziko, horixe da, batzuek 
etengabe gogoratzen diguten legez, guztiok geure buruari ezarri diogun 
lege-esparrua.

Mikelgs-ek horrelako proposamen baten atzetik etorriko liratekeen beste 
proposamen bat aurreratu du. Software librea instalatuz gero, baten 
batek hartu beharko luke horrek dakarren ardura teknikoa. Gutxieneko 
azpiegitura teknikoa behar-beharrezkoa litzateke.

Alexen 3 proposamenekin erabat ados, euskara-euskara online hiztegi 
egokiago bat oso erabilgarri izango litzateke, eta telefonoetan 
erabiltzeko modukoa balitz, hobe. Euskaltzaindiarena ez da umeentzat, 
edo hasi-berrientzat egokiegia. Euskara-euskara, nik dakidala, oraingoz, 
Euskaltzaindiarena, euskarazko Wikipedia eta Txikipedia, besterik ez 
dago. Azken bi hauentzat badago telefono aplikaziorik.

Administrazioak formatu irekiak, ISO estandarrak-eta hobetsi beharko 
lituzke, beti. Anderrek ondo esan bezala, legea betetzearekin nahikoa 
izan beharko litzateke, baina... Eta honi lotuta: gertatu zaizue inoiz 
administrazioko atariren batean, nabigatzaile bat, hala beharrez 
nabigatzaile jakin bat erabiltzeko eskaera? Ba horrelakorik gertatuz 
gero, ez dadila izan Google Chrome edo Microsoft Edge. Gertatu zaizue 
inoiz nabigatzailea euskaraz konfiguratuta izan arren, eta "Lehen hitza 
euskaraz" gehigarria erabili arren, bilatzaileak beti gaztelaniazko 
aldera bideratzen zaituela?

Anderrek gorago gogoratu digun bezala, ez da orain garaia izango aholku 
berriak egiteko, baina euskara lehenesten duen bilatzaile (libre) baten 
beharra ere antzematen da.

Eta Olentzerori gutunean gehitzeko etorkizunerako beste eskari bat: ea 
noiz hasten diren hedabide publikoak eta administrazio publikoak 
WhatsApp, Telegram, Facebook eta Twitter ez diren beste aukera batzuk 
ere erabiltzen eta hauspotzen. Element, Signal, Mastodon... ez dira 
hedabideetan eta administrazio publikoetan inoiz aipatzen eta sustatzen.

Kontatuko diguzu, Ander ;-)