[Librezale] Zalantza bat

[Julen Ruiz Aizpuru]

Aupa,

Kanpoan izan naiz eta berandu nator agian baina...

dooteo<dooteo a bildua zundan.com> igorleak hau idatzi zuen (2013 urria 3 12:28):
> Egunon Urtzi,
>
> Jatorrizko mezua: og., 2013-10-03 10:51 +0200, egilea: Urtzi Odriozola
>
>> Zalantza bat android itzulpenetako termino batekin. Nola itzuliko
>> zenukete "Tethering" terminoa? Gazteleraz "anclaje de red" eta
>> antzekoak ikusi izan ditut. Ideiarik?
>
> Kasu honetan mugikorra/taula bideratzaile gisa arituko da lanean beste
> gailu batentzako.
>
> Wikipediaren arabera [2] 'Sare ainguraketa' litzateke, baina hori
> gazteleratik jasotako itzulpen literala da. 'Ainguraketa' hitza ez dugu
> inoiz sareen arloan erabili, testu-prozesadoreetan baizik. Ez da egokia
> sareko/interneteko konexioen arloan erabiltzea. 'Lotura' egokiagoa
> ikusten dut. Hala ere, 'sare lotura' ez zait egokia iruditzen.
>
> Frantsesez [3] 'Modem affilié' gisa itzuli dute. 'Atxikitutako modema'
> bezala uler dezakegu.
>
> Wordreference webguneak [4] 'tether' buruz 'atar' edo 'atadura' gisa
> agertzen da.
>
> Datu hauekin nire proposamena hau da:
>
>         'Sarea esleitzea'
>
> Arrazonamendua: DHCP zerbitzuak IPa dinamikoki ematen dionean gailu bati
> 'IP helbidea automatikoki _esleitzen_ diola' esaten da.

Gaiaren kasuan (Firefox OSen erabiltzaile-interfazea), 'tethering'
bere horretan uztea erabaki nuen ulergarri zelakoan ('cookie' edo
'script' ulergarri diren neurri berean):
http://transvision.mozfr.org/?repo=gaia&sourcelocale=en-US&locale=eu&search_type=strings&recherche=tethering

Zure proposamen honen harira, 'tethering' beste gailu/medioren baten
bitartez burutzen denean, nola emango zenuke?

- 'USB sare-esleitzea'
- 'USB bidezko sare-esleitzea'
- 'USB bidez sarea esleitzea'
- Besterik?

Kontuan izan gailu mugikorren interfazeetan espazioa arazo izaten dela
eta beraz garrantzitsua da testuak oso luze ez geratzea baina aldi
berean ulergarritasuna ez kaltetzea.

Julen.