[Librezale] Bilbon bi boluntario Mozillarentzat

[Julen Ruiz Aizpuru]

Kaixo!

Mozilla-Hispanotik laguntza eske etorri dira maiatzaren 23an, Bilboko 
Euskalduna Jauregian egun osoz ospatzekoa den Sherpa Summit-ean[1] 
Mozillak ipiniko duen stand-ean Firefox, Mozilla eta Firefox OSen 
gaineko informazioa emateko.

Ekitaldiak bere horretan nahiko enterprise arloko izaera duen arren, 
Mozilla Fundazioko zuzendari Mitchell Baker bertaratzekoa da[2].

Madrildik bi pertsona etorriko dira eta Bilbotik edo ingurutik 
laguntzera joan daitezkeen beste bi boluntario behar dituzte. Hitzaldiak 
ingelesez diren arren, informazioa bertaratutakoen hizkuntzan eman 
beharko litzateke (pentsatzekoa da batez ere gazteleraz izango dela).

Honek guztiak Mozillaren eta Firefoxen inguruko ezagutza minimo batzuk 
izatea eskatzen duenez, Madrildik datozenak honen inguruko "formazioa" 
emateko prest daude bezperan.

Animatu! Ikasiz ondo pasatzeko modua izateaz aparte jende jatorra dator 
eta barreak ere ziurtatuta daude. Gainera txapak, pegatak eta bestelako 
goodie-ak eskuratzeko modua egongo da, nola ez.

Besteei lana errazte aldera, interesdunik balego abisatu lehenbailehen 
mesedez. Bestelako dudarik edo galderarik badaukazue idatzi lasai.

Bakarren bat animatuko delakoan...

Julen.

[1] http://sher.pa/sherpa-summit/en/index.php
[2] http://sher.pa/Sherpa-Summit/en/speakers.php