[Librezale] Software librearen aldeko ituna

[Ibai Oihanguren]

Aupa,

azkenean ez dakit idatzi ahalko dudan. Orain klaseko proiektu baten
unerik okerrenean sartu naiz, eta horrek esan nahi du egun osoa
unibertsitatean sartuta pasatzen dudala...

Gainera, ez dakit zeren alde egin ere, eztabaidan idatzi duten guztiei
arrazoia ematen diet gauza batean edo bestean...beraz, ez dut uste
ondorio garbirik ateratzeko gauza izango naizenik.

Oraingoz horrela utziko dut, eta gero denbora eta gogoa badaukat, ba
esango dizuet. Besteren batek zerbait argitaratzen badu ederto.

Ondo ibili,
Ibai.

Jatorrizko mezua: ar., 2009-04-28 12:35 +0200, egilea: joseba
> Iepa,
> 
> Ez ditzagun gauzak nahastu, sindikatuak, partidu politikoak,
> elkarteak... Azken finean, helburu jakin batzuei erantzuteko sortutako
> talde [antolatu]ak dira denak. Bakoitzak egoki iruditzen zaizkion
> ekintza eta iniziatibak egin eta bultzatzen ditu. Oraingo honetan
> software librearen aldeko sinadura eskatzen zaie europar parlamentari
> [izango] direnei. Parlamentari horiei sinadura hori eskatzeak software
> librearen izaera ezagutaraztea ekar lezake kasu askotan, alegia, gaur
> egungo politikarien maila ezagutuz, zalantza egingo nuke herenak ere ba
> ote dakien zertaz ari garen. Eta parlamentari horiexek izango dira
> patenteetaz erabakiak hartuko dituztenak, edota formatu estandarren
> erabilera eskatu beharko dutenak...
> 
> Sinadura hori eskatzea "parlamentariak era antolatuan agobiatzea" dela
> esatea gehiegitxo iruditzen zait. Horrekin agobiatu egiten badira,
> ederki gaude! Sinadura eskatzea zilegi ez bada, gureak egin du. Gainera,
> sinadura eskatze hutsa, kasu askotan, software librea zer den jakin
> arazteko bidea ere izango dela ziur nago, eta agian, bati baino
> gehiagori jakin-mina ere sortuko dio, beraz, ekintza horri oztoporik ez
> diot nik jarriko. 
> 
> Demokratikoa zer den eta zer ez den esatea ere oso ausarta iruditzen
> zait. Garai batean, emakumeen boto-eskubidea bermatzeko sinadura
> eskatzeak ere arauak (ez dakit zein arau) ez lituzke errespetatuko, eta
> jakina, ez litzateke zilegi izango... edota, gaur egun, abortua
> legeztatzeko sinadura eskatzea ere antidemokratikoa izango da, ez? eta
> arau [ezezagun] horiek hautsiko ditu.
> 
> Bukatzeko, niri asko gustatuko litzaidake kandidatu bakoitzaren iritzia
> ezagutzea hainbat gairen inguruan: abortua, drogen legeztatzea,
> erlijioa, software librea, hizkuntza-eskubideak, norbanakoen eskubideak,
> ekonomia-sistema edota homosexualitatea, besteak beste. Informazio
> horren arabera ere emango bainuke botoa...
> 
> Ez ditzagun mamuak sortu geure buruetan, eta ez gaitezen firma bilketa
> baten zentsuratzaile izan...
> 
> Ondo segi,
> Joseba.
> 
> 
> _______________________________________________
> Librezale mailing list
> Librezale a bildua librezale.org
> http://www.mundurat.net/mailman/listinfo/librezale