[Librezale] compiz fusion 2008rako....

[Ander Elortondo]

  usteak erdiak ustel.

  Nire asmoa urrirako compiz-fusion itzultzea bazen ere, ez dut lortuko. 
Batetik kontu pertsonalengatik nahi nukeen baino denbora gutxiago 
eskaini diezaioket eta bestetik epeak gainera etorri zaizkit.

Asmoa Ubuntu 7.10 berrirako itzultzea zen baina azpiko datak aintzat 
hartuz ezin  dut.

October 4th - NonLanguagePackTranslationDeadline,KernelFreeze
October 11th - ReleaseCandidate,LanguagePackTranslationDeadline
*October 18th - FinalRelease *

Denbora faltaz gain izan ditudan arazoak bi izan dira:
a) terminologia oso zaila. Itzulpen bakoitza beldurrez eginikoa.
b) Compiz-fusion 0.5.2 instalatu nuen, eta trasteatzen hasi, tresna 
ezagutzeko (itzulpena ganorazkoa izateko asmoz). Bertsio honek ijito 
feriako eskopeta baino kale gehiago egiten ditu. Desastre hutsa, leiho 
kudeatzailea sarri erortzen da (batez ere emerald erabiliz gero), leiho 
zatiak galdu, itxitako leihoen itzalak ez dira desagertzen.... eta beste 
ehundaka errore. Bai badakit garapen bertsio bat dela, baina  desastre 
hau ez ote dira ubuntun jartzeko asmotan ibiliko ezta? 0.4 egonkorra (ez 
dut frogatu)  jarriko ote dute?  Beryl oso egonkorra zen. liluragarria 
eta konfiguratzeko erraza. Gnomen integratzeko konfigurazio tresnaz, 
gauzak asko nahastu dituzte, baina hainbeste errorerekin ez dakit 
konfiguratze tresnak kale egiten duen edo zuzenean compiz-fusion honek 
porrot egin duen... auskalo. Ubuntuk hauen alde apustu egin duenez, ziur 
konponduko dutela.


Ondorioz nire helburuak aldatu ditut. Itzulpenarekin jarraituko dut, ea 
2008rako amaitzerik daukadan. Ubuntu 8.04 LTS argitara aurretik 
behinik-behin.

PD: Beste inor itzultzera animatzen bada, idatzi nire helbidera edo 
posta zerrenda honetara eta lotuko dugu elkarlanean nola aritu.

Ander.