[Librezale] Xuxen - Manifestua

[Mikel Olasagasti]

Aupa, azken orduko aldaketatxo batzuk egin ditut, eta helbide berdinean 
dago eskuragarri, baina ala ere postan bidaltzen det, aldaketak 
erakustea errexagoa izan dadin:

Xuxen libre baten alde.

Euskal Herriko Unibertsitateko IXA taldeak eta Elekak, Hizkuntza 
Politika Sailburuordetzaren diru laguntzaz garatutako Xuxen zuzentzaile 
ortografikoa
den softwarea orain egun batzuk kaleratu zen. Tresna hau behar 
beharrezkoa da gure ustez euskarazko kalitatezko edukien sorketarako, 
eta beroki
txalotzen dugu honen garapena.

Baina poztasun honek badu bere gazitasuna eta lizentzian datza. Nahiz 
eta Software Libre bezala iragarri, plazaratzerako orduan Creative Commons
Aitortu-EzKomertziala-BerdinBanatu 2.5 lizentziapean atera da. Lizentzia 
hau ez da libretzat hartzen softwarearen esparruan (gainera Creative Commons
lizentziak ez dira gomendatzen softwarerako, arte lanetarako baizik), 
eta ondorioz hainbat arazo ditu, ala nola, GNU/Linux banaketetan 
zuzenean ezin
integratzea.

Gainera, Xuxen bezelako beste hizkuntzentzat eskuragarri dauden 
hiztegientzat (42 myspell hiztegi, iturria packages.gentoo.org) honako 
lizentzia libre ezagunak apliktatzen dira: GPL 20 aldiz, LGPL 9 alidz 
eta LGPL + GPL 5 aldiz. Creative Commons lizentzia behin bakarrik 
agertzen da, beste lizentzia batzurekin lotuta eta Aitortu motapean 
soilik, librea dena.

Lizentziaren traba erraz konpondu daiteke softwarearen lau askatasunak 
(edozertarako erabilera librea, programak nola funtzionatzen duen 
ikasteko aukera librea, distribuzio librea eta azkenik softwarea 
hobetzeko aukera librea) bermatzen dituen lizentzia batean berlizentziatzen.

Ondorioz, honakoa gomendatu nahi dugu:
- Free Software Foundation-ek eta Open Source Institute-k onartutako 
lizentzia libre batekin berlizentziatzea.
- GPL lizentzia kontutan izatea irtenbide bezala.