[Librezale] Mailman Euskaraz: Sustatu afera

[Osoitz]

Jordi Blasi wrote:

 > Ikusten dudan arazoa tradizionalki ba zeudela
> itzulpenak koordinatzeko zerrendak eta egileak beraiek, eta honekin 
> Jaurlaritza bihurtu daitekela arbitroa.

Zehazki hori da arazoaren abiapuntua. Eta gaur egungo egoera beste hau: 
Mailman euskaraz ofiziala da, eta Sustatuk ez du berria eman nahi.

Mobida hau ez litzateke gertatuko hasieratik Soft librearen lan egiteko 
era tradizionalak errespetatu izan balira. Egileari jakinarazpen soil 
batek lan bikoizketa aurreztuko luke.

Baina lan bikoizketa arazo horren berri aspaldi izan genuen, eta 
konpontzeko proposamen bat egin zen: Itzulpenak batu, eta lan hori Piren 
eskuetan geratu zen, hori egiteagatik sosa bat kobratzen ez duen Pi, 
hain zuzen ere.

Baina, antza, ez dute itzulpenen batze hori gustoko eta Sustatuk 
Mailmanen ofizialtasunaren berria blokeatzen du. (Hau kasualidadea, 
Code&Syntax Sustatu mantentzeagatik ere EJ-ren dirua poltsikora darama.)

Zergatik blokeatzen dute berria? Agian Pi-ren itzulpenak ez dituelako 
EJ-ren irizpideak gainditzen? Eta bere dirutxoak ke bihurtu 
daitezkelako? Hipotesi bat da.

Asuntoa, berriro esango dut, hau da: Mailman euskaraz ofiziala da, eta 
Sustatuk ez du berria eman nahi.

Nik oso ondo deritzot EJ-ren partidak Sustatu eta mailmanen euskaraketa 
egiteko bezalako proiektuetara badoaz, baina guk oparitzen duguna beste 
batzuk kobratu nahi dutelako besterik gabe isildu behar al gara?

Eta Red Hat proiektukoek Slashdot-en moderatzaile balira eta bertan 
Debian isilarazi nahiko balute?

Osoitz