[Librezale] Izarkom eskola martxoan

[mikelgs a bildua ni.eus]

Gabon, Txopi eta gainontzeko guztioi:

Otsailaren 21erako proposatu zizutela suposatzen dut. Ostegunero egiteko 
asmoa dutela ulertu bainion Urtziri (niri ere deitu dit, beherago 
azalduko dut).

Ni ados nago zu joatearekin, jakina, eta Librezalerentzat 100€ak eman 
nahi badituzu bikain. Horrelakoetan garraio gastuak kobratu behar direla 
uste dut, bestela batzuetan atzera egin eta hitzaldiak eman gabe 
geratzen dira (jende gaztearen kasuan gehiago, baina orokorrean sanoagoa 
iruditzen zait). Zu gertu zaude agian, beraz nahi duzun bezala, noski.

Gonbidatu dituzten lau eragileekin saio trinkoa aterako da, trinkoegia 
akaso, labur geratuz ordu eta erdi. Hala ere, aipatzearren, faltan 
sumatu dut hizkuntzen itzulpen automatikoaren garapen hurbila (idatziz 
webgune batean... edo pinganillo batekin aldiberekoa? Zer dator hurrengo 
urteetan?), ahots errekonozimendua eta domotika, chatGPT modukoak 
euskaraz eta abar. Elhuyar, HitzZentroa(?) eta horrelakoekin beste saio 
bat antolatu dezakete etorkizunean akaso.

Bestalde, niri ere deitu zidan Urtzik, Fedibertsoari buruzko saioa 
egiteko. Ez dakit Izarkomeko bazkide-bezero naizelako deitu zidan edo 
urrian emandako hitzaldi honengatik: 
https://peertube.euskarabildua.eus/w/07de4465-f105-4181-9c49-071c64835904

Baietz esan nion eta apirilaren 25ean izango da. 100€ emango dizkidatela 
esan zidan eta nire asmoa da garraio gastua kobratu (Gasteiztik joan 
etorri kotxean 20€) eta gainontzekoa Abaraska taldeari ematea.

Kartelean Abaraska taldearen logoa jartzeaz gain Librezale taldearena 
jarri dute. Nire aldetik pertenentzia dilemarik ez, oso gutxi ari naiz 
laguntzen itzulpenekin azkenaldian, baina logoa ikus dadin ona iruditzen 
zait. Kartel borradorea ikusita (atxikita duzue) asmoa nuen hemen emaila 
bidaltzeko, 40 abaraskarentzat eta 40 Librezalerentzat emango nuela 
esanez, baina zuk aipatu duzunez beste hori, jendeari ondo iruditzen 
bazaio hasierako asmoarekin jarraituko dut (20€ niretzat eta 80€ 
Abaraska taldearentzat).

Norbaitek zalantza edo proposamenik badu, egin lasai, denbora asko 
baitago aurretik.

Aste ona izan!

Mikelgs


2024-02-10 17:48 egunean, Txopi , Librezale-en bidez-(e)k idatzi du:
> Kaixo:
> 
> Izarkom eskolan parte hartzera gonbidatu gaituzte:
> https://www.izarkom.eus/izarkom-eskola/
> 
> Hilero Bilbon ireki duten zentro berrian mahai-inguruak eta antzeko
> ekitaldiak antolatzen hasi dira. Martxoaren 20koa: Euskarak mundu
> digitalean duen presentzia aztertu eta egoerari aurre egiteko gakoak
> proposatzea.
> 
> Hauek dira gonbidatu dituzten eragileak:
>   - Pantailak euskaraz
>   - PuntuEUS
>   - Librezale-Gaitu
>   - Azkue fundazioa
> 
> Beste hiruretatik pertsona batek parte hartuko dutela esan dute.
> Izarkomeko Urtzi Ugaldek telefonoz deitu zidan eta nik ere baiezkoa
> eman nion. Gaitugatik deitu zidan baina hori Librezaleko ekimena zela
> eta mahai-inguru horretan Librezalek parte hartzea gomendagarria
> ikusten nuela esan nion. Azalpenaren ondoren uste dut horregatik jarri
> duela "Librezale-Gaitu" delakoa.
> 
> Ondo iruditzen zaizue?
> 
> Ados bazaudete, ni joango naiz eta ordainduko dizkiguten 100 euroak
> Librezalerako izango dira.
> 
> "Euskarak mundu digitalean duen presentziari" buruz, egungo egoerari
> buruz eta euskara indartzeko gakoei buruz norbaitek hemen zerbait
> partekatu nahi badu, primeran! Hausnarketak, estekak, lehentasunak,
> estrategiak, ideiak... denak ondo etorriak izango dira eta ahal dudan
> heinean berauek transmititzen saiatuko naiz!
> 
> Eskerrik asko eta ondo izan,
> Txopi.
> _______________________________________________
> Librezale mailing list
> Librezale a bildua librezale.eus
> https://librezale.eus/cgi-bin/mailman/listinfo/librezale
-------------- hurrengo zatia --------------
Testu hutsa ez zen mezu bat ezabatu egin da...
Izena: photo1707384382.jpeg
Mota: image/jpeg
Tamaina: 104638 bytes
Azalpena: ez dago erabilgarri
URL : <http://librezale.eus/pipermail/librezale/attachments/20240212/92e8129d/attachment-0001.jpeg>