<html>
  <head>
    <meta content="text/html; charset=ISO-8859-15"
      http-equiv="Content-Type">
  </head>
  <body text="#000000" bgcolor="#FFFFFF">
    Kaixo Gorka,<br>
    <br>
    Eskerrik asko zure erantzunagatik. Hor ari gara jo ta ke
    prestakizunekin, izan ere datak hurbiltzen baitoaz ziztu bizian.<br>
    <br>
    Jakin nahiko genuke zer moduz ikusi duzuen luzatu dizuegun
    proposamena Kursaalen azaroaren 23 eta 24an ospatuko den XARE azokan
    itzulpen saio bat antolatzeko. Azokaren bi egunetarako ekitaldi
    egitarau mardul bat prestatzen ari gara (multimedia instalazioak,
    ikus-entzunezkoak, erakustaldiak, musika, ikastaroak, mahai
    inguruak, jokoak, aurkezpenak...) eta bertan zuekin elkarlanean
    itzulpen saio bat antolatzea gustatuko litzaiguke, egun euskaraz ez
    dagoen programaren bat euskaratzeko. Elkarlanerako prest baldin
    bazaudete, ekitaldiaren nondik norakoak adostuko genituzke:
    formatua, iraupena... eta abar. Guk ekitaldi hau honako helburuekin
    antolatu nahi dugu: Librezaleren berri eman, itzulpenerako programen
    erabilpena irakatsi, itzultzaile gehiago lortu eta horretaz gain,
    polita iruditzen zaigu azokak emaitza erabilgarriak utzi ditzan.<br>
    <br>
    Gure asmoa litzateke saioa larunbat goizean egitea, azaroaren 24an.
    Antolaketarako zuen laguntza beharko genuke. Aipatutako saioan,
    zuetariko bi edo hiru lagunez gain, itzulpenak egiteko prest dauden
    hainbat boluntario bilduko genituzke, akaso euskal filologiako
    ikasleak. Pootle erabiltzen irakatsi eta irizpide batzuk eman
    beharko litzaieke, lanean jarri ahal izateko. Adostu beharko genuke
    ere zer software itzuliko litzatekeen saio honetan. <br>
    Animatzen zarete?<br>
    <br>
    Bestalde, egitarauaren barruan, badago E-gitasmoak izeneko gune bat,
    non internet eta IKTekin lotutako Euskal Herriko hainbat egitasmo
    aurkeztuko diren eta gustatuko litzaiguke bertan Librezaleren berri
    ematea. 15 minutuko aurkezpenak lirateke. Animatuko?<br>
    <br>
    Besarkada bat<br>
    <br>
    Iņigo<br>
    <br>
    <br>
    <br>
    <div class="moz-cite-prefix">ig., 2012.eko urrren 28a 13:05(e)an,
      Gorka Azkarate Zubiaur(e)k idatzi zuen:<br>
    </div>
    <blockquote
cite="mid:CAG0Ba+j-DiXNRgQuhD8t5p1NMrbJkDGfJBio_YBECq5R9A700A@mail.gmail.com"
      type="cite">Kaixo Iņigo,<br>
      <br>
      aspaldian ikusi nuen zure mezua; proposamen interesgarriak
      zeuzkala iruditu zitzaidan.  Zure mezuak ahaztuta geratzeko
      arriskua du, inork ez badu erantzuten...<br>
      <br>
      Zer moduz doaz prestaketa lanak?<br>
      <br>
      Nire aldetik, ostiralean egingo diren ekintzetara ezin hurbildu,
      larunbatean egingo diren ekintzetara hurbilduko nintzateke...
      Gogoa bai, baina oraingoz hitza ezin eman.<br>
      <br>
      Dena den, zorte on!<br>
      <br>
      <br>
      <br>
      <br>
      <fieldset class="mimeAttachmentHeader"></fieldset>
      <br>
      <pre wrap="">_______________________________________________
Librezale mailing list
<a class="moz-txt-link-abbreviated" href="mailto:Librezale@librezale.org">Librezale@librezale.org</a>
<a class="moz-txt-link-freetext" href="http://librezale.org/cgi-bin/mailman/listinfo/librezale">http://librezale.org/cgi-bin/mailman/listinfo/librezale</a>
</pre>
    </blockquote>
    <br>
    <pre class="moz-signature" cols="72">-- 
XARE.EU
Donostia, 11 behea A. 20.115 Astigarraga. 943 444422
Antsoain, 1 behea. 31.014 Iruņea. tf:948 121976 fax:948 148278

<a class="moz-txt-link-abbreviated" href="mailto:info@xare.eu">info@xare.eu</a> * <a class="moz-txt-link-abbreviated" href="http://www.xare.eu">www.xare.eu</a>

Iņigo Martinez * 686 485980
</pre>
  </body>
</html>