Kaixo librezaleok,<br><br>Androidek euskara esplizituki onartzen ez duen arren locale pertsonalizatuak erabiliz mugikorra euskaraz ezar daiteke. Nik horrela daukat.<br>Euskarazko lokalizazioa (values-eu/strings.xml fitxategia) duten aplikazioak euskaraz agertzen zaizkit eta ez dutenak berriz ingelesez.<br>
Aplikazio gutxi daude euskaratuta baina egon badaude batzuk. Nik batzuk euskaratu ditut, adibidez, Barra-kode eskanerra (Barcode Scanner) [1],<br>F-Droid aplikazio libreen biltegiaren bezeroa [2], ... <br>Bada Googlek sortutako aplikazioen artean euskaraz erabil daitekeen aplikazio bat: <a href="http://www.google.com/mobile/mytracks/">http://www.google.com/mobile/mytracks/</a> Ez dakit itzulpena<br>
Googlek egin duen edo boluntarioren batek, baina itzulpena ona da.<br><br>Duela aste batzuk smartphonetarako aplikazioen garapenerako Titanium plataformari buruzko UEUko udako ikastaroan izan nintzen [3]<br>eta han ere atera zen androideko aplikazioen euskaraketaren gaia. Nik locale pertsonalizatuak aipatu nituen, batzuk ezagutzen zuten teknika<br>
hau eta beste batzuk ez, baina interesa sortu zuen. Hori dela eta, euskarazko locale pertsonalizatua nola ezarri azaltzen duen gida bat prestatzen<br>ari naiz irakaslearen (Elekako Edurne Martinez) apunteetan txertatu eta interesa dutenentzat unibertsitatea.net-eko otarrean eskuragarri jartzeko.<br>
Kurtsoko apunteak eskuratu daitezke dagoeneko [4] baina locale pertsonalizatuen gidarik gabe. Bukatzen dudanean bertara igoko dugu.<br>Gida pixka bat egokitu eta librezalerako artikulu bat ere sortuko dut jendeak interesik badu. Horretarako wordpresseko erabiltzaile bat beharko nukeela<br>
uste dut.<br><br>Laburbilduz, gidan euskarazko locale pertsonalizatua ezartzeko lau metodo aztertzen ditut, bi erabiltzaile arruntei zuzenduak (Custom Locale eta MoreLocale2<br>aplikazioak erabiliz, pausoz pauso, pantaila-argazkiekin) eta bi aplikazioen garatzaileei zuzenduak (adb eta emulator erabiliz).<br>
<br>Euskarazko locale pertsonalizatua ezartzeko egin beharreko lehen gauza aplikazioen menuan Googleren Custom Locale aplikazioa agertzen den begiratzea da.<br>Instalatuta baldin badaukagu, berau erabiliko dugu. Nahikoa da Add locale sakatu eta eu localea sortu eta ezartzea. Nahiago izanez gero eu_ES edo eu_FR ere erabil daitezke.<br>
Custom Locale aplikazioa ez badaukagu, adibidez nire gailuak ez dauka, MoreLocale2 aplikazioa erabil daiteke (Custom Localeren eratorria da), horretarako Google play-tik<br>instalatu behar delarik [5]. Add locale aukera agertzeko MENU botoia sakatu behar da.<br>
Aplikazio hauekin euskarazko locale pertsonalizatua ezartzea erraza da, baina, esan bezala, jendeak interesa badu pantaila-argazkidun pausoz pausoko gida<br>prestatuko dut librezalerako.<br><br>Sony Ericsson gailuak euskaraz erabil daitezkeela irakurri izan dut [6], norbaitek baiezta al dezake? Gailu hauen itzulpena nork egin du? Sonyk? Beste marketako<br>
gailuetan erabiltzeko modurik ba ote dago? Ze lizentzia du itzulpenak?<br><br>Googleri eskaera egitea ere interesgarria izan daiteke. Begira, adibidez, katalanek egindakoak:<br><a href="http://code.google.com/p/android/issues/detail?id=4791">http://code.google.com/p/android/issues/detail?id=4791</a><br>
<a href="http://code.google.com/p/android/issues/detail?id=3313">http://code.google.com/p/android/issues/detail?id=3313</a><br><a href="https://groups.google.com/forum/?fromgroups#%21topic/android-contrib/QsxLfeANM2I">https://groups.google.com/forum/?fromgroups#!topic/android-contrib/QsxLfeANM2I</a><br>
<br>Oker ez banago lortu zuten. Nire mugikorraren (Android 2.3.5) hizkuntza zerrendan ez da katalana agertzen baina locale pertsonalizatu bezala jarri ondoren aplikazioak<br>katalanez agertu zaizkit.<br><br>[1] <a href="https://play.google.com/store/apps/details?id=com.google.zxing.client.android">https://play.google.com/store/apps/details?id=com.google.zxing.client.android</a><br>
[2] <a href="http://librezale.org/wiki/F-Droid">http://librezale.org/wiki/F-Droid</a><br>[3] <a href="http://www.ueu.org/ikasi/udako-ikastaroa/424/Smartphonetarako%2Baplikazioen%2Bprogramazioa%2BTitanium%2Berabilita.">http://www.ueu.org/ikasi/udako-ikastaroa/424/Smartphonetarako%2Baplikazioen%2Bprogramazioa%2BTitanium%2Berabilita.</a><br>
[4] <a href="http://www.unibertsitatea.net/otarrea/ingeniaritza-eta-teknologia-1/informatika/smartphonetarako-aplikazioen-programazioa-titanium">http://www.unibertsitatea.net/otarrea/ingeniaritza-eta-teknologia-1/informatika/smartphonetarako-aplikazioen-programazioa-titanium</a><br>
[5] <a href="https://play.google.com/store/apps/details?id=jp.co.c_lis.ccl.morelocale">https://play.google.com/store/apps/details?id=jp.co.c_lis.ccl.morelocale</a><br>[6] Adibidez, begiratu Sony Ericsson Xperia Mini Pro-ren ezaugarrietan, Android 2.3 euskaraz omen dauka:<br>
<a href="http://www.euskaltel.com/CanalOnline/homes/home_particulares_movil.jsp">http://www.euskaltel.com/CanalOnline/homes/home_particulares_movil.jsp</a><br>