Kaixo Librezaleok,<br><br>Asier Iturralde Sarasola naiz. Ikasketaz kimikaria, ogibidez programatzailea eta momentuan langabezian nago.<br>Ia urtebete daramat software libreko aplikazioak euskaratzen. Ubuntu [1], Linux Mint [2] eta Fedora-ren [3] euskaraketa taldeetan parte hartzen dut eta Android-erako aplikazio batzuk ere itzuli ditut (Connectbot, Android Terminal Emulator, F-Droid, ...)<br>
Ahal dudan neurrian Librezalen parte hartu eta aplikazioak euskaratzen jarraitzeko asmoa daukat.<br><br>Aurkezpenaren ondoren, Librezale.org webgunean egin dudan lehen ekarpenaren berri eman nahi dizuet [4]. Ezagutzen al duzue Android gailuetarako F-Droid [5] aplikazioa? Google Play-ren (Google Market bezala ezagunagoa) alternatiba librea da. %100 software librez osatutako biltegi batetik aplikazioak deskargatu eta aplikazio hauen eguneraketak kudeatzeko aukera ematen du.<br>
<br>Proiektuak ataleko Sistemaren tresnak azpi-atalean kokatu dut. Itzulpen txikia da, 106 kate dira soilik [6], baina aplikazio garrantzitsua dela iruditzen zait eta horregatik kokatu dut Sistemaren tresnaken eta ez Itzulpen txikietan. Ez bazaizue egoki iruditzen aldatuko dugu.<a href="http://f-droid.org/translate/eu/fdroidclient/"></a><br>
<br>Wiki-an aplikazioaren datuak sartzen ari nintzela Androiderako aplikazioentzako deskargarako estekarik ez dagoela konturatu naiz. GNU/Linux sistemetarako deskargentzat linux_url dago, MacOSX-erako osx_url, Windows-erako win_url eta abar. Logikari jarraituz android_url erabiltzen saiatu naiz baina ez du funtzionatu. Azkenean webapp_url erabili dut, baina beharrezko ikusten dut Androiderako deskargentzat esteka berezi bat sortzea.<br>
<br>Ondo izan<br><br>[1] <a href="https://launchpad.net/%7Eubuntu-l10n-eu">https://launchpad.net/~ubuntu-l10n-eu</a><br>[2] <a href="https://launchpad.net/%7Elinuxmint-translation-team-basque">https://launchpad.net/~linuxmint-translation-team-basque</a><br>
[3] <a href="https://fedoraproject.org/wiki/L10N/Teams/Basque">https://fedoraproject.org/wiki/L10N/Teams/Basque</a><br>[4] <a href="http://librezale.org/wiki/F-Droid">http://librezale.org/wiki/F-Droid</a><br>[5] <a href="http://f-droid.org/">http://f-droid.org/</a><br>
[6] <a href="http://f-droid.org/translate/eu/fdroidclient/">http://f-droid.org/translate/eu/fdroidclient/</a><br><br><br>