<div>Aupa librezaleok,</div><div><br></div><div>Eskerrik asko nik aurreko astean egindako eskaerari emandako erantzunengatik, erantzun</div><div>ezezkoa izan da kasu gehienetan baina tira...</div><div><br></div><div>Baten batek nire hasierako eskaera oso argia ez zela iradoki du eta besteren batek</div>
<div>galdetu dit ea nik hartuko nukeen wikispaces euskaraz mantentzeko ardura...</div><div><br></div><div>Nire eskaeran, nik ere beste batzuk agertu dituzuen zalantza berberak edo oso antzekoak</div><div>erakusten nituen. Bere garaian nik baino gehiago zekitenei galdetu, wiki euskarri on bat</div>
<div>euskaraz behar eta... Wikispaces euskaraturik dago. Nik dakidala Jaime Villaluengak egin</div><div>zuen itzulpenaren zati handia, zatirik handiena ziur aski, baina mezu pribatu batean esan</div><div>zidan eguneratze lanetan behar bada ez zela luze ibiliko. Nik orain arte behin baino</div>
<div>gehiagotan egin egin ditut eguneratze lanak eta saiatuko naiz aurrerantzean ere</div><div>eguneratze lanei jarraipena egiten baina... Eskaera egin banuen, kontua pertsona bakar</div><div>baten ardurapean ez uzteko izan zen. Wikispacesen pootlerako bidea jende askok</div>
<div>ikusteko moduko tokian esteka uztea, besterik ez zen nire asmoa, ez itzultzeko testigua</div><div>inori pasatzea. Ardura hori pertsona bakar batengan uztea arriskutsu iruditzen zitzaidan,</div><div>besterik gabe, nire karmaren bila Tibeteko monasterio off-line batera joango banintz edo</div>
<div>nire maitale guztiak, batera, haurdun geratuko balira, wikispaces umezurtz geratuko</div><div>litzateke eta pixkanaka-pixkanaka gero eta ingelesago bihurtuko, geure hezkuntza sistema</div><div>legez...</div><div><br>
</div><div>Nire eskaera, baten batek argiago nahi zuen irakurri, hauxe zen; librezale taldearen pootle</div><div>itzulpen zerrendaren ondoan wikispaces itzultzeko esteka jartzea, besterik gabe.</div><div>Wikispaces ez da software librea izango baina doaneko (+ publizitaterik gabe) zerbitzu</div>
<div>onak eskaintzen ditu, hezkuntzan, egun, gehien erabiltzen den wiki euskarria da eta pozik</div><div>sartuko nintzateke ni ere beste librezale batzuk iradoki duzuen bezala beste euskarri</div><div>libreago bat euskaratze proiektuan.</div>
<div><br></div><div>Baten batek adierazi du dagoeneko badaudela beste wiki sistema libre batzuk</div><div>euskaraturik eta horiek indartzea izan beharko litzatekeela librezaleon erronka. Erabat</div><div>ados nago azken horrekin baina azterketatxoa egin nuen aurreko batean eta euskaraturik</div>
<div>hiru euskarri besterik ez nituen topatu: dokuwiki, nirewiki eta wikispaces. Dokuwiki %99</div><div>baino gehiago euskaraturik topatu nuen eta gutxiago kostatu zitzaidan %100 horretara</div><div>iristea egindako lana behar den tokiraino helaraztea baino (oraindik lortu ez). Nirewiki ez</div>
<div>dakit noraino den librea, ez du kontua ikertzeko astirik izan, baina hori guretzat oso</div><div>inportantea bada ere badago nirewikirekin beste problematxoa... Zuetariko baten batek</div><div>bota zuen bezala, nik ere ez ditut oso gauza goxoak entzun nirewiki horri buruz, eta barka</div>
<div>nazatela proiektu horren atzetik daudenak lerro hauek irakurtzen badizkidate. Horrelako</div><div>lan guztiak, oso emaitza onak, oraingoz, lortzen ez dituztenak ere, niretzat miresgarriak</div><div>dira. Baina, oraingoz, nirewiki ez dabil ondo.</div>
<div><br></div><div>Beste batek, Julenek nik uste, mediawikiren alde egiten zuen. Euskaraturik zegoela</div><div>adierazten zuen. Badakit oso wiki bikainak daudela euskarri horren gainean euskaraz</div><div>baina euskarria euskaraturik bilatu bai baina aurkitu ez dut aurkitu. Ziur aski, euskaratzeko</div>
<div>hautagairik onena izan daiteke wikimedia oraindik euskaraturik ez badago. Baina motorra</div><div>euskaratzearekin behar denaren erdia besterik ez dugu aurreratu, zerbitzu onak (eta ahal</div><div>bada doanekoa) ere beharko ditugu.</div>
<div>Besteren batek adierazi du wikispaceserako esteka besteen ondoan jarrita bikoizketa</div><div>problemak sortuko liratekeela. Nik, kontu teknikoez, hutsaren hurrengoa baina pootle</div><div>batean sartzeko esteka zerrendako besteen ondoan jarrita egongo balitz, balizko itzultzaile</div>
<div>boluntario berriari izena eman eta sartu, betiko bi urratsak besterik ez lizkioke eskatuko</div><div>eta wikispacesekoen pootle plataforman sartuko litzateke zuzenean, librezaleen beste</div><div>proiektuak ikutu barik.</div>
<div><br></div><div>Nik ere nire mezuari erantzun duten batzuek bezala pentsatzen dut, baldin badago wiki</div><div>euskarri on bat, praktikoa, intuitiboa eta software librearen gainean eraikita, horixe izan</div><div>beharko litzatekeela librezale bezalako taldearen lehentasuna. Baina uste dut erantzun</div>
<div>batzuetan bi kontu nahasten direla: gauza bat da wikiaren motorra zein den, zein</div><div>softwarekin dagoen eraikita, software librea edo pribatiboa ote den, eta beste kontu bat da</div><div>motor horietako batekin ze zerbitzu eskaintzen den. Software librearekin sasizko</div>
<div>enpresarik putakumeena kudea daiteke eta alderantziz, copiright baten babesean zerbitzu</div><div>balekoak eskaini daitezke... Hau da motorra ez dakit baina zerbitzuak bai beharko ditugula</div><div>euskaraz.</div><div>
<br></div><div>Egun hauetan ibili naiz wiki euskarri batzuk aztertzen. Egindako behaketaren emaitza</div><div>euskal wikipedian eskegi dut “wiki” hitzari lotutako artikuluan, “software” atalean.</div><div><br></div><div>Asmoa zen aztertzea ea zein izan daitekeen aztertu ditudan euskarrien artean wikiak</div>
<div>euskaraz eta ahalik eta modu libreen eta errazen eta intuitiboen-eta, euskaratzeko wiki</div><div>euskarrien artean hautagairik onena. Wikimatrix horren laguntzarekin 25 wikirik</div><div>entzutetzuenak omen direnak aztertu ditut eta dozena eta erdi bat eroan ditut goian</div>
<div>aipaturiko wikipedia artikulura:</div><div><br></div><div><a href="http://eu.wikipedia.org/wiki/Wiki#Softwarea">http://eu.wikipedia.org/wiki/Wiki#Softwarea</a></div><div><br></div><div>(Lehen gaztelaniazko “wiki” artikuluaren itzulpena zegoen, uste dut orain atal hau</div>
<div>gaztelaniazkoena baino txukunago geratu zaigula; hobetzea zuen esku).</div><div><br></div><div>Behar bada, librezale taldeak horietako bat, edo besteren bat, babestu eta euskaratzeko</div><div>bidean jarri beharko luke. Wiki euskarri libre eta euskaldun baten bat bilatu eta euskaratu</div>
<div>beharko genuke?</div><div><br></div><div>Software librearena eta lizentzia libreen babesaren oinarriaz gain, (programatzeko zein</div><div>hizkuntza hobestearena, zuen kontu), edozein erabiltzaile hasiberrirentzat intuitiboa,</div>
<div>erabiltzeko erraza izan beharko. (Ezer instalatu gabe eta ostatu doan erraz lortzerik</div><div>balego, perfektu!)</div><div><br></div><div>Euskaratzeko bidea erraztea, behar bada, izan beharko litzateke librezaletik egin</div>
<div>beharreko lana. Daudenen artean bat hautatu, itzultzeko bidea zabaldu...</div><div><br></div><div>Barkatu txapa, baina laburtzeko astirik ez dut izan...</div><div><br></div><div>Izan libre, izan zoriontsu eta bilazazue zuen karma ;-) (Ni hasia naiz; ommm...)</div>
<br>-- <br>Gorka Azk.<br><br>